ފެނަކަ ކޯޕަރޭޝަން ލިމިޓެޑް ނ. މާޅެންދޫ ބްރާންޗުން އެރަށުގެ މުއައްސަސާތަކަށް ފުޓްސަލް މުބާރާތެއް ބާއްވަން ތައްޔާރުވެއްޖެއެވެ. "ފެނަކަ މާޅެންދޫ އިންޓަރ އޮފީސް ފުޓްސަލް ކަޕް 2022" އޮންނާނީ މިމަހުގެ 11 ން 20 އަށެވެ.
ފައިނަލް މެޗާއެކު މުބާރާތުގައި ކުޅޭނީ ޖުމްލަ 8 މެޗެވެ. މުބާރާތުގައި ވާދަކުރަނީ މާޅެންދޫ ކައުންސިލް, ފެނަކަ, މާޅެންދޫ ސްކޫލް, އަދި މާލެންދޫ ޞިއްހީ މަރުކަޒެވެ. މުބާރާތުގެ ފައިނަލްގެ ފުރަތަމަ ޖާގަ ލިބޭނީ ލީގުބުރެއް ކުޅެ ނިމޭއިރު އެއްވަނަ ހޯދާ ޓީމަށެވެ. ދެވަނަ ޖާގަ ލިބޭނީ ދެވަނަ ޓީމާއި ތިންވަނަ ޓީމް ކުޅޭ ޕްލޭއޮފްއިން މޮޅުވާ ޓީމަކަށެވެ.
މުބާރާތުގެ ޗެމްޕިއަން ޓީމަށާއި, ރަނަރަޕް ޓީމަށް ތަށްޓާއި, ފައިސާގެ އިނާމް ދޭނެކަމަށް މާޅެންދޫ ފެނަކަ ބްރާންޗުން މައުލޫމާތުދެއެވެ. އަދި މުބާރާތުގެ އެންމެ މޮޅު ފަސް ކުޅުންތެރިން ހޮވުމަށްވެސް ވަނީ ހަމަޖެހިފައެވެ.
