މިފަހުގެ ތާރީޚުގައި ރާއްޖޭގެ ބާސްކެޓް ބޯޅައިގައި އުފެދުނު އެންމެ ކާމިޔާބު ކްލަބު ޓީރެކްސްއިން އައު ސީޒަނަށް ވަރުގަދަ ސްކޮޑެއް އެކުލަވާލައިފިއެވެ. ސްކޮޑް ތަޢާރަފްކުރީ އެކްލަބުން އިންތިޒާމްކޮށްގެން މިހާރުކުރިއަށްގެންދާ ތްރީ އޮން ތްރީ ސްޓްރީޓް ޗެލެންޖުގެ ތެރެއިންނެވެ.
ޓީމް ވަރުގަދަ ކުރަން ޓީމަށް ގެނައި އެންމެ މުހިއްމު އެއް ކުޅުންތެރިއަކީ އަހުމަދު ފިރާޝް (ފިރާ) އެވެ. އޭނާއަކީ ޓީރެކްސްގެ ފުރަތަމަ ތިން އަހަރު އެޓީމަށް ކުޅުނު ކުޅުންތެރިއެކެވެ. މިދިޔަ ދެ އަހަރު އޭނާ ކުޅުނީ ޗެމްޕިއަން ކިންގްސްއަށެވެ. ކިންގްސްގެ މުހިއްމު އެހެން ދެ ކުޅުންތެރިއަކުވެސް ވަނީ ޓީރެކްސްއާއި ގުޅިފައެވެ. އެއީ އަހުމަދު ޚުވެއިލިދު (ހުވޭ) އާއި, އިބްރާހީމް އަންފާލް (އަންޓެ) އެވެ. މިދެ ކުޅުންތެރިން މީގެކުރިން ޓީރެކްސްއަކަށް ނުކުޅެއެވެ. ތަޖުރިބާކާރު ތިން ކުޅުންތެރިން ކަމަށްވާ މުޙައްމަދު މުހުސިން (މުންޗުޅި) އާއި, ޒަކަރިއްޔާ އަބުދުލްލަތީފް (ޒަކިއްޓެ) އާއި, އަހުމަދު އަފްޝަން ރަޝާދުވެސް ޓީރެކްސްގެ ސްކޮޑްގައި ހިމެނެއެވެ.
ޓީރެކްސްގެ މުހިއްމު އެހެން ކުޅުންތެރިންގެ ތެރޭގައި ކުރިންވެސް ޓީމްގައި ތިބި ކެޕްޓަން އަހުމަދު ޒަބީރު, އިސްމާއީލް ވިލްދާން, އިބްރާހީމް އަންފާލް, ހުސެއިން ހަލީމް ހިމެނެއެވެ.
މިދިޔަ ތޭރަ އަހަރަށް ބަލާއިރު ރާއްޖޭގެ ބާސްކެޓްގައި އެންމެ ކާމިޔާބު ކްލަބަކީ ޓީރެކްސްއެވެ. މިހާރު ޓީރެކްސްއާއެކު ވާދަކުރަމުން އަންނަނީ ކިންގްސްއެވެ. ޓީރެކްސްގެ ކޯޗަކީ އަހުމަދު ފަޒްލީއެވެ.
