ބްރެޒިލްގެ ވާތު ބެކް މާސެލޯގެ ދަރިފުޅު ރެއާލް މެޑްރިޑްގެ ޔޫތު ޓީމްގައި ލަނޑު ޖެހުމުން, އޭނާއަށް ބޮޑު އުފަލެއް ލިބި ވަރަށް ބޮޑަށް އުފާފާޅުކޮށްފިއެވެ. މާސެލޯގެ ދަރިފުޅު އެންޒޯ އަލްވެސް ވިއެއިރާ ލަނޑު ޖެހީ ލީގާ ޕްރޮމައިސެސް ޓޯނަމަންޓްގައި ލިވަޕޫލް ކޮޅަށެވެ.
12 އަހަރުގެ އެންޒޯގެ ލަނޑާއެކު މާސެލޯ ވަނީ ސްޓޭޑިއަމްގައި އޭނާ އިށިއިނދެއިން ގޮނޑިން ތެދުވެ ވަރަށްބޮޑަށް އުފާފާޅުކޮށްފައެވެ. ރެއާލް މެޑްރިޑްގެ މާސެލޯގެ ފަހަތުން އޭނާގެ ދަރިފުޅު އަންނަނީ ފުޓްބޯޅައިގައި ކުރިއެރުން ހޯދަމުންނެވެ. ލަނޑު ޖެހުމަށްފަހު އެންޒޯ އުފާފާޅުކުރީ ރޮނަލްޑޯގެ ޓްރޭޑް މާކް ސްޓައިލްގައެވެ. ރޮނަލްޑޯގެ ދަރިފުޅު ކްރިސްޓިއާނޯ ޖޫނިއާ އަކީ މާސެލޯގެ ދަރިފުޅު އެންޒޯގެ ގާތްރައްޓެއްސެކެވެ.
ރެއާލް މެޑްރިޑާއެކު 4 ފަހަރު ޗެމްޕިއަންސްލީގު ހޯދާފައިވާ މާސެލޯގެ ފަހަތުން އޭނާގެ ދަރިފުޅު ހޯދަމުން އަންނަ ކުރިއެރުންތަކާއެކު, އެއީ ކުރިމަގުގެ ތަރިއަކަށް ވާނެކަމަށް ފުޓްބޯޅަ ކޯޗުން ދެކެއެވެ.
