ކޮވިޑް-19 ޖެހިގެން މިހާރު ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 9 މީހުންނަށެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) ން އާންމުކޮށްފައިވާ ތަފާސްހިސާބުތަކަށް ބަލާލާއިރު ފާއިތުވި 24 ގަޑިއިރު ޕޮޒިޓިވްވެފައިވަނީ 273 މީހުންނެވެ. އެއީ މާލެ ސަރަަހައްދުން 26 މީހުންނާއި އަތޮޅުތަކުން 225 މީހުން އަދި ހިނގަމުންދާ ރިސޯޓްތަކުން 14 މީހުންނެވެ. 8 މީހަކު ޕޮޒިޓިވްވި ތަނެއް ދެނެގަނެވިފައެއްނުވެއެވެ.

މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 173،337ށް އަރާފައެވެ. މީގެތެރެއިން 158،644 މީހުން ވަނީ ބަލިން ފަސޭހަވެފައެވެ. މިވަގުތު އެކްޓިވް ކޭހުގެ އަދަދަކީ 14،383 އެވެ. 297 މީހަކު ވަނީ މިބަލީގައި ނިޔާވެފައެވެ.