ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގެ މެނޭޖިންގ ޑިރެކްޓަރުކުން އަބްދުއްޝަކޫރު ސާލިޙް ވަކިކުރައްވައި މިނިސްޓަރ އަހަމްދު ޒުހޫރު އެ މަޤާމަށް ހަމަޖައްސަވައިފި އެވެ.
Today PCB has appointed Ahmed Zuhoor, H.Maabadeyriaage as the Managing Director of STELCO
— Mohamed Nizar (@nixaar) June 4, 2017
ޕްރައިވެޓޭޝަން ބޯޑްގެ ރައީސް ނިޒާރު ވިދާޅުވީ ސްޓެލްކޯގެ މެނޭޖިން ޑިރެކްޓަރު ބަދަލުކުރެއްވީ އެކަމަށް ރައީސް އޮފީހުން ހުށަހެޅުއްވުމުން ކަމަށެވެ. މިގޮތަށް ގެންނަ ކޮންމެ ބަދަލަކީ ވެސް ރަނގަޅު ބަދަލަކަށް ވާނެ ކަމަށް އުއްމީދު ކުރައްވާ ކަމަށް އޭނާ ވިދާޅުވި އެވެ.
ޒުހޫރު ހުންނެވީ ރައީސް އޮފީހުގެ މިނިސްޓަރެއްގެ މަގާމުގައެވެ. ޒުހޫރު އަދާކުރެއްވި މަޤާމުތަކުގެ ތެރޭގައި ކޮމިޝަނަރ އޮފް ކަސްޓަމްސްގެ މަގާމާއި ހެލްތް މިނިސްޓަރު ކަމާޢި ޔޫތް އެންޑް ސްޕޯޓްސް މިނިސްޓަރުކަމުގެ އިތުރުން ހޯމް މިނިސްޓަރު ކަމާއި ރައީސް އޮފީހުގެ މިނިސްޓަރުކަމުގެ މަގާމު މި ސަރުކާރުގައި އަދާކުރައްވައިފައެވެ. މީގެ އިތުރުން ޒުހޫރަކީ އިކޮނޮމިކް އެންޑް ޔޫތު ކައުންސިލްގެ ޗެއާއެވެ.
ސްޓެލްކޯގެ މަޤާމުން ވަކިކުރެއްވި ޝޫކޫރު އެމަގާމަށް އައްޔަނުކޮށްފައިވަނީ 2014 ވަނަ އަހަރުގެ ޖޫން މަހުގެ ތެރޭގައެވެ. އޭގެ ކުރިން ވެސް ގިނަ ދުވަސްތަކެއް ވަންދެއް އޭނާ ސްޓެލްކޯގެ މެނޭޖިން ޑިރެކްޓަރުކަން އަދާކުރެއްވެވި އެވެ.
ސްޓެލްކޯގެ އެމްޑީގެ މަޤާމުން ޝުކޫރު ވަކިކުރެއްވުމަށް ފަހު އައްޔަން ކުރައްވާފައި ވަނީ މިނިސްޓްރީ އޮފް އެންވްޔަރަމަންޓް އެންޑް އެނާޖީގެ ސްޓޭޓް މިނިސްޓަރުގެ މަގާމަށެވެ.
Raeesuljumhooriyyaa STELCO ge MD ge maqaamuga hunneivi Abdul Shakooru Abdullah @EnvGovMv State Minister ge magaamah miadhu ayyanukuravvaifi.
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) June 4, 2017
ސަރުކާރުން މިބަދަލު ގެންނެވި ސަަބަބެއް ހާމަކޮށްފައެއް ނުވެއެވެ.
