ކ. މާލެ
|
22 ޑިސެންބަރ 2021 | ބުދަ 17:40
ރައީސް ޔާމީން މިނިވަންވުމާ ގުޅިގެން އެމަނިކުފާނުގެ ސަޕޯޓަރުން އުފާފާޅުކުރަނީ
ރައީސް ޔާމީން މިނިވަންވުމާ ގުޅިގެން އެމަނިކުފާނުގެ ސަޕޯޓަރުން އުފާފާޅުކުރަނީ
ރާއްޖެއެމްވީ
ރައީސް ޔާމީންގެ ދަތުރުފުޅު
ރައީސް ޔާމީން ނިލަންދޫއަށް ވަޑައިގަންނަވަނީ!
އެރަށުގެ ކައުންސިލް މެމްބަރުންނާއި އާއްމު ރައްޔިތުންނާ ބައްދަލުރައްވާނެ
ރައްޔިތުންނަށް ދިމާވެފައިވާ ދަތިތައް އޮޅުންފިލުއްވާނެ
ރައީސް ޔާމީން ފ. އަތޮޅަށް ވަޑައިގަންނަވާތީ ގިނަ ބައެއްގެ ފާޑުކިޔުން އެމަނިކުފާނަށް އަމާޒުވެފައިވޭ

ކުރީގެ ރައީސް އަބްދުﷲ ޔާމީން ފ. ނިލަންދޫއަށް ވަޑައިގެންނެވުމަށް ހަމަޖެހިއްޖެއެވެ.

ޕީޕީއެމްއިން ބުނީ، އިންޑިއާ އައުޓް ކެމްޕޭނަށް ރައީސް ޔާމީން ނިލަންދޫއަށް ވަޑައިގަންނަވަނީ ޑިސެމްބަރ 23ވާ ބުރާސްފަތި ދުވަހުގެ ވަގުތެއްގައި ކަމަށެވެ. މިދަތުރުފުޅުގައި އެރަށުގެ ކައުންސިލް މެމްބަރުންނާއި އާއްމު ރައްޔިތުންނާ ބައްދަލުރައްވާ ގޮތަށް ހަމަޖެހިފައިވެއެވެ. އަދި ރައްޔިތުންނަށް ދިމާވެފައިވާ ދަތިތައް އޮޅުންފިލުއްވާނެ ކަމަށް މައުލޫމާތު ލިބެއެވެ.

Advertisement

ރައީސް ޔާމީން ނިލަންދޫއަށް ވަޑައިގެންނެވުމަށް ހަމަޖެހިފައިވާތީ, ރައްޔިތުންގެ މަޖިލީހުގެ ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއީލްގެ ހަވާލުގައި އެޑްވާންސް ޓީމެއް އެރަށަށް ގޮސްފައިވާކަމަށް މައުލޫމާތު ލިބެއެވެ.

ރައީސް ޔާމީން ފ. އަތޮޅަށް ވަޑައިގަންނަވާތީ ގިނަ ބައެއްގެ ފާޑު ކިޔުން އެމަނިކުފާނަށް އަމާޒުވެފައިވެއެވެ. އެއީ ރައީސް ޔާމީންގެ ވެރިކަމުގައި ފ. އަތޮޅުގެ ބައެއް ވިއްކާލުމަށް މަސައްކަތް ކޮށްފައިވާ ކަމަށް ބުނެއެވެ.

މިއީ ރައީސް ޔާމީން ޖަލުން މިނިވަންވެވަޑައިގަތްފަހުން އަތޮޅުތެރެއަށް ކުރައްވާ ދެވަނަ ދަތުރުފުޅެވެ. އެންމެ ފުރަތަމަ ދަތުރުފުޅު ކުރައްވާފައިވަނީ ކ. އަތޮޅަށެވެ. އެ ދަތުރުފުޅުގައި ސިޔާސީ އެކިއެކި ހަރަކާތްތައް ބާއްވައި، ކައުންސިލްތަކާ ބައްދަލުކުރައްވައި މަޝްވަރާ ކުރެއްވިއެވެ. އަދި އިންޑިއާ އައުޓް ކެމްޕޭންގެ ހަރަކާތްތައްވެސް ކުރިއަށް ގެންގޮސްފައިވެއެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 2 ދުވަަސް ކުރިން
ރިވިއު ކުރީ: އައިޝަތު ރިޔާޒް
- ކޮމެންޓް