އަފްޣާނިސްތާނުގެ ކަންދަހާރު ސިޓީގެ ޝިއީންގެ މިސްކިތެއްގައި ބާރުގަދަ އެއްޗެއް ގޮއްވާލައިފިއެވެ.
ބޭރުގެ މީޑިއާތަކުގައި ރިޕޯޓު ކޮށްފައިވާ ގޮތުގައި ހުކުރު ނަމާދު ވަގުތު ޝިއީންގެ މިސްކިތުގައި އެއްޗެއް ގޮއްވާލާފައިވެއެވެ. ބާރުގަދަ އަޑެއް އިވުނު ކަމަށް ރިޕޯޓުކޮށްފައިވެއެވެ. މިގޮވުމާއެކު މިހާތަނަށް 7 މީހަކު މަރުވެފައިވާ ކަމަށް ރިޕޯޓުތަކުން ބުނެއެވެ.
މިސްކިތުގައި އެއްޗެއް ގޮއްވާލާފައިވަނީ ގިނައަދަދެއްގެ އާއްމުން މިސްކިތަށް ޖަމާވަމުންދަނިކޮށެވެ.
ޝިއީންގެ މިސްކިތުގައި ހުކުރު ނަމާދު ވަގުތު އެއްޗެއް ގޮއްވާލާފައިވާއިރު، ތާލިބާނުން ބުނާ ގޮތުގައި އަފްޣާނިސްތާނުގެ 85 އިންސައްތަ ސަރަހައްދު އޮތީ އެ ޖަމާއަތުގެ ބާރު ދަށުގައެވެ. ނަމަވެސް އެމެރިކާ އިން ބުނަނީ ތާލިބާނުންގެ ބާރުގެ ދަށުގައި އޮތީ އަފްޣާނިސްތާނުގެ 50 އިންސައްތަ ސަރަޙައްދު ކަމަށެވެ.
