ވަޅިން ބިރުދައްކައިގެން 90،000 އަށް ވުރެ ގިނަ ރުފިޔާ ފޭރިގަތް މީހަކު ފުލުހުން ހައްޔަރުކޮށްފިއެވެ.

ފުލުހުން ހައްޔަރު ކޮށްފައިވަނީ ކ. މާލޭ، ގ. ހިޔަރޯދި، މުޙައްމަދު ޝައްމާން ސަލީމް ނަމަކަށް ކިޔާ މީހެކެވެ. ކްރިމިނަލް ކޯޓުންވަނީ ބަންދުގައި ބަހައްޓައިގެން މައްސަލަ ކުރިޔަށް ގެންދިއުމަށް 10 ދުވަހުގެ މުއްދަތެއް ޖަހައިދީފައެވެ.

ޝައްމާން އަކީ ކުށުގެ ގިނަ ރެކޯޑުތަކެއް ހުރި މީހެއްކަމަށާއި ގިނައީ ފޭރުމުގެ މައްސަލަތައް ކަމަށް ފުލުހުން ވަނީ ބުނެފައެވެ. އަދި އެންމެ ފަހުން މިފަދަ މައްސަލައެއް ހުށަހެޅުނު ފަހަރު ވަރަށް ގިނަ އަދަދެއްގެ ބަޔަކު އެކަމުގައި ޝާމިލްވެފައިވާކަން ފުލުހުން ވަނީ ބުނެފައެވެ.

ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.