ސްކޫލު ތެރޭގައި ދަރިވަރުން މާސްކް އެޅުމުން ކޮވިޑް ފެތުރޭ މިންވަރު ދަށް ކަމަށް ދިރާސާ ތަކުން ދައްކައިފިއެވެ.
ދާދި ފަހުން ހަދާފައިވާ މި ތިން ދިރާސާވެސް ވަނީ ސެންޓަރ ފޯރ ޑިޒީސް ކޮންޓްރޯލުން ކޮންމެ ހަފްތާއަކު ނެރޭ ރިޕޯޓުގައި އާއްމު ކޮށްފައެވެ. މި ދިރާސާތަކުގެ ނަތީޖާ ވެގެންދިޔައީ ޓީޗަރުންނަށް ހައިރާން ކުރަނިވި ނަތީޖާއަކަށެވެ.
ސްކޫލް މާހައުލުގައި މާސްކް އަޅައިގެން ދަރިވަރުންނަށް އުޅެން އުނދަގޫ ނަމަވެސް އެކަމުގެ ސަބަބުން ލިބޭ ރައްކާތެރިކަން މާބޮޑަށްވެސް މުހިއްމު ކަމަށް ޓީޗަރުން މިހާރު ގެންދަނީ ބުނަމުންނެވެ. އަދި ދަރިވަރުން ސްކޫލަށް ގެނެސްގެން ކިޔަވައި ދިނުމަށް ދައްކަން ޖެހޭ އަގަކީ އެ ނަމަ އެކަންވެސް ރަނގަޅުކަމަށް ޓީޗަރުންވަނީ ބުނެފައެވެ.
ކޮވިޑް-19އާ ގުޅިގެން ސްކޫލްތައް ބަންދުކޮށްފައި އޮތުމަށްފަހު އަލުން ހުޅުވާލިއިރު، ގައުމުތަކުންވަނީ ސްކޫލް ދަރިވަރުން މާސްކް އެޅުމާއި ގައިދުރުކަން ބެހެއްޓުންވ މަޖުބޫރު ކޮށްފައެވެ.
