ގދ. ތިނަދޫގައި ރައްކާކޮށްފައި ހުރި ''ޕްރީމަ ސިލޯން'' ބްރޭންޑްގެ ގޮދަން ފުށުގައި ގިނަ އަދަދަކަށް އުކުނާއި ފަނިހުރި މައްސަލައެއް ފެންމަތިވެއްޖެއެވެ.

މޯލްޑިވްސް ފުންޑް އެންޑް ޑްރަގް އޮތޯރިޓީ (އެމްއެފްޑީއޭ)އިން ބުނީ އެތޯރިޓީއަށް ހުށަހެޅި ޝަކުވާއަކާއި ގުޅިގެން ބެލިބެލުމުން, ތިނަދޫގައި ރައްކާކޮށްފައި ހުރި ''ޕްރީމަ ސިލޯން'' ބްރޭންޑްގެ ބެޗް ނަންބަރު MD2021003 ގޮދަން ފުށުގައި ގިނަ އަދަދަކަށް އުކުނާއި ފަނިހުރިކަމަށް ކަށަވަރު ކުރެވިފައިވާ ކަމަށެވެ.

ޕްރީމަ ސިލޯން ބްރޭންޑްގެ އެބެޗްގެ ފުން ނުވިއްކުމަށް އެމްއެފްޑީއޭއިން ވަނީ އަންގާފައެވެ.

އެމްއެފްޑީއޭއިން ބުނީ ރައްކާތެރިކަމުގެ ފިޔަވަޅެއްގެ ގޮތުން އެހެން ބެޗްތަކުގެ ސާންޕަލް ނަގައި ޓެސްޓް ކުރަމުންދާ ކަމަށެވެ.

ކާބޯތަކެތީ މިފަދަ މައްސަލަތައް ފެންމަތިވަމުންދާއިރު، ކާބޯތަކެތީގެ ރައްކާތެރިކަމަށް އޮތް ހިރާހުގެ މިންވަރު ބެލުމުގެ މަސައްކަތްތައް އަބަދުވެސް އެމްއެފްޑީއޭއިން ކުރަމުން ގެންދެއެވެ.