ދިރާގުން "ސަޅި ޕްރިޕެއިޑް"ގެ ނަމުގައި މުޅިން އައު ޕްރިޕެއިޑް ޕްލޭންތަކެއް ތައާރަފް ކޮށްފިއެވެ.
ދިރާގުން ބުނީ ކަސްޓަމަރުންނަށް ގިނަ ފައިދާ އާއި އިތުރު ލުއި ފަސޭހަ ހޯދައިދިނުމަށް ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން ތައާރަފުކުރި މި ޚާއްސަ ޕްރީޕެއިޑް ޕްލޭންތަކުން އެއް ފަހަރު އެކްޓިވޭޓްކޮށްލައިގެން 1 ހަފުތާ، 2 ހަފުތާ, ނުވަތަ އެއް މަސްދުވަހަށް ކޮންމެ ދުވަހަކު 1 ޖީބީ ޑޭޓާ އައުވެގެން ދާނެ ކަމަށެވެ.
145 ރުފިޔާއިން ފެށިގެން "ސަޅި ޕްރިޕެއިޑް"ގެ ޕްލޭންތައް ފެށޭ އިރު، މީގެ ކޮންމެ ޕްލޭނަކުން ދުވާލަކު ލިބޭ 1 ޖީބީ ޑޭޓާ އެލަވަންސްގެ އިތުރުން ހިލޭ ސޯޝަލް މީޑިއާ ޑޭޓާ އަދި އަންލިމިޓެޑް ކޯލްސް ލިބިގެންދާނެ ކަމަށެވެ. މި ޕްލޭންތަކަކީ އެންމެ ގިނަ ޑޭޓާ ހަމަ އެންމެ އެކްޓިވޭޝަނަކުން ފޯރުކޮށްދޭ ޕްރީޕެއިޑް ޕްލޭންތައް ކަމަށް ދިރާގުން ބުނެއެވެ.
މީގެ އިތުރުން ދިރާގުން ބުނީ ސަޅި ޕްރިޕެއިޑް ތައާރަފުކުރުމާ ގުޅިގެން ކަސްޓަމަރުންނަށް ވަރަށް ޚާއްސަ އޮފަރއެއް ވެސް ތައާރަފުކޮށްފައިވާ ކަމަށެވެ. އެގޮތުން، "ސަޅި ވީކްލީ" އަދި "ސަޅި 2 ވީކްސް" ޕްލޭނުން ކަސްޓަމަރުންނަށް 12 ސެޕްޓެމްބަރ 2021އާ ހަމައަށް 1 ޖީބީގެ ބަދަލުގައި 2 ޖީބީ ޑޭޓާ ކޮންމެ ދުވަހަކު ލިބިގެންދާނެ ކަމަށެވެ.
ދިރާގުގެ ސަޅި ޕްރީޕެއިޑް ތައާރަފު ކުރުމާ ގުޅިގެން ކުންފުނީގެ މެނޭޖަރ ކޮންސިއުމަރ ޕްރީޕެއިޑް ޢާއިޝަތު އިޝާނާ ވިދާޅުވީ, އަބަދުވެސް މަސައްކަތްކުރަނީ ކަސްޓަމަރުން ޑޭޓާ ބޭނުން ކުރާ މިންވަރު ބަލައި، ކަސްޓަމަރުންގެ ބޭނުންތަކާ އެއްގޮތަށް ޚިދުމަތްތައް ބައްޓަންކުރުމަށާއި، އިތުރު ފުރިހަމަކަމާއިއެކު ގިނަ ފައިދާތަކެއް ލިބިދޭގޮތަށް ޕްލޭންތައް ފަރުމާކުރުމަށް ކަމަށެވެ.
ޑޭޓާ ބޭނުންކުރާވަރު އިތުރުވެފައިވާ އޮތް މިދަނޑިވަޅުގައި މިއަދު މި ތައާރަފު ކުރި ޕްލޭންތަކުން ކަސްޓަމަރުންނަށް ކޮންމެ ދުވަހަކު 1 ޖީބީ ޑޭޓާ އެލަވަންސް ލިބި، ޑޭޓާއިން ގިނަ ކަންތައްތައް އެންމެ އެކްޓިވޭޝަނަކުން ފަސޭހަކަމާއެކު ކޮށްލެވޭނެ. ހަމަ މިއާއެކު، ދިރާގު ސަޅި ޕްރީޕެއިޑް އަކީ މުޅި މަހަށް ބަހާލަންޔާ އެންމެ ބޮޑު ޑޭޓާ އެލަވަންސެއް، މާކެޓްގައި އެންމެ ހެޔޮ އަގުގައި ލިބިގެންދާ ޕްރީޕެއިޑް ޕްލޭންތައްމެނޭޖަރ ކޮންސިއުމަރ ޕްރީޕެއިޑް ޢާއިޝަތު އިޝާނާ
ސަޅި ޕްރިޕެއިޑް ޕްލޭންތައް އެ ކުންފުނީގެ މޮބައިލް އެޕްލިކޭޝަން މެދުވެރިކޮށް، ޕްރިޕެއިޑް ކަސްޓަމަރުންނަށް އެކްޓިވޭޓް ކުރެވޭނެއެވެ.
