ބޮލީވުޑްގެ ބަތަލާ ކަންގަނާ ރަނައުޓަކީ އޭނާ ކުޅޭ ކޮންމެ ރޯލެއް ވެސް ވަރަށް ފުރިހަމައަށް ކުޅުމުގެ ކުޅަދާނަކަން ލިބިފައިވާ އެކްޓަރެކެވެ.
ކަންގްނާގެ އެންމެ ފަހުގެ ފިލްމު "ސިމްރަން" ގެ ޓީޒާ ނެރުމާއެކު ކަންގްނާގެ އެކްޓިން މި ފިލްމުގައި ވަރަށް މޮޅުވާނެކަމަށް ވަނީ ބުނަން ފަށާފައެވެ. މި ފިލްމުގެ ފުރަތަމަ ޓީޒާ އިން ބޮޑަށް ދައްކުވައި ދީފައިވަނީ ކަންގްނާގެ އެކްޓިންއެވެ. ގާތްގަނޑަކަށް އެް މިނެޓުގެ މިޓީޒާގައި ކަންގްނާ ވިގެއް އަޅައިގެން އުޅޭ މަންޒަރު ފެނެއެވެ. ހަމައެކަނި މިއުޒިކާއި ވީޑިއޯ ފެނިގެންދާ މި ޓީޒާގައި ކަންގްނާ ފެނިގެންދަނީ އެއްވެސް ކަހަލަ ޚިޔާލެއް ފިކުރެއް ނެތް މީހެއްގެ ގޮތުގައެވެ.
"ސިމްރަން" ގެ ޑައިރެކްޓާ ހަންސަލް މެހްތާ ބުނެފައިވަނީ މި ފިލްމަކީ އަސްލު ޖިނާއީ ވާހަކައެއްގެ މައްޗަށް ބިނާކޮށް ހަދާ ފިލްމެއް ކަމަށެވެ. މިއީ ނަރުހެއް އޭނާ ޖުވާކުޅުމަށް ދައްކަންޖެހޭ ލާރި ދެކުމަށްޓަކާ ބެންކެއް ފަޅާލާ ހިނގާ ކަންތައްތަކެއް ކަމަށް އޭނާ ބުނެފައި ވެއެވެ. މިކަން ފަޅާއަރައި އޭނާ 66 މަހަށް އެމެރިކާގެ ޖަލަށް ލުމަށް ހުކުމް ކުރެއެވެ. މި ފިލްމުގެ ވާހަކަ ލިޔެފައިވަނީ އަޕުރުވާ އެމް އަރްސާނީއެވެ. ޕްރޮޑިއުސްކޮށްފައި ވަނީ ބުޝާން ކުމާރާއި، ޝައިލެޝް އާރު ސިންހް، ކްރިޝަން ކުމާރު އަދި އަމީތު ހިމެނެއެވެ.
މި ފިލްމުގެ ލީޑްރޯލުން ކަންގަނާގެ އިތުރުން ނޭޝަނަލް އެވޯޑް ހޯދަފައިވާ ސޯހަމް ޝާހް ފެނިގެންދާނެއެވެ.
ހަންސަލް މެހެތާ ޑައިރެކްޓްކުރާ މި ފިލްމު ރިލީޒް ކުރުމަށް ހަމަޖެހިފައި ވަނީ އަންނަ އަހަރުގެ ސެޕްޓެމްބަރު މަހުގެ 15 ވަނަ ދުވަހު އެވެ.
