އަލީގަޅު މުސްލިމް ޔުނިވާސިޓީ (އޭ.އެމް.ޔޫ) އާއި ދިވެހިރާއްޖޭގެ އިސްލާމިކް ޔުނިވާސިޓީ (އައި.ޔޫ.އެމް) އާ ދެމެދު އެމް.އޯ.ޔޫ އެއްގައި ސޮއިކުރުމުގެ މަސައްކަތް އިންޑިއާ އާއި ދިވެހިރާއްޖޭގެ ފަރާތުން ކުރަން ފަށައިފިއެވެ.

ކުރިއަށް އޮތް 2-3 މަސް ދުވަހުގެ ތެރޭގައި މި އެމް.އޯ.ޔޫއަށް އަމަލުކުރެވޭނެ ކަމަށް އައިޔޫއެމްއިން ބުނެއެވެ. އެއްބަސްވުމަށް ހުށަހަޅާފައިވާ ކަންތަކުގެތެރޭގައި ދަރިވަރުން ބަދަލުކޮށްގެން ތަމްރީނު ދިނުމާއި، ޓީޗިންގް އަދި ރިސާޗް ސްޓާފް އެކްސްޗޭންޖް ކުރުން، އެއް މުއައްސަސާގެ ދަރިވަރުންނާއި މުވައްޒަފުންނަށް އަނެއް މުއައްސަސާގައި ކުރު މުއްދަތުގެ ނުވަތަ އެކްސްޓެންޑެޑް ސްޓަޑީ ޕްރޮގްރާމްތަކުގައި ބައިވެރިވެވޭ، އަދި ދެ ޔުނިވާސިޓީގެ ހުއްދަދޭ އޮފިޝަލުންނަށް އެއް މުއައްސަސާއިން އަނެއް މުއައްސަސާއަށް ދަތުރުތައް ކުރުމަށް މަގުފަހިވާ ފަދަ ނިޒާމެއް ގާއިމުކުރުން ކުރުމުއްދަތުގެ ތަމްރީން އަދި އިންޓާންޝިޕް ޕްރޮގްރާމްތައް ގާއިމްކުރުންވެސް ހިމެނެއެވެ.

1875 ވަނަ އަހަރު ސަރ ސަޔެދް އަޙްމަދު ޚާން - މޮޑާން އިންޑީއާގެ އާކިޓެކްޓް އެއް -ހުޅުވައިދެއްވި އޭ.އެމް.ޔޫ ގާއިމުކުރެވުނީ މުޙައްމަދަން އެންގްލޯ އޮރިއެންޓަލް ކޮލެޖެއްގެ ގޮތުގައެވެ. މިހާރު އެއީ ގާތްގަނޑަކަށް 40،000 ދަރިވަރުންނާއި 1700 މުދައްރިސުން ހިމެނޭ ޕަބްލިކް ޔުނިވާސިޓީއެކެވެ.

އޭ.އެމް.ޔޫ ގައި އާޓްސް، ޓެކްނޮލޮޖީ، މެޑިސިން، މެނޭޖްމެންޓް، ކޮމާސް، އެގްރިކަލްޗާ، ލައިފް ސައިންސަސް، ލޯ، ތިއޮލޮޖީ އަދި އިންޓަނެޝަނަލް ސްޓަޑީޒް ފަދަ 13 ފެކަލްޓީ ހިމެނެއެވެ. އަދި ޔުނިވާސިޓީގެ ދަށުން 7 ހައި ސްކޫލާއި 2 ސެކަންޑަރީ ސްކޫލް ހިންގައެވެ. އޭ.އެމް.ޔޫ ވަނީ ދާދި ފަހުން ސެންޓަރ ފޯ ޔުނިވާސިޓީ ވޯލްޑް ރޭންކިންގްސް (ސީ.ޔޫ.ޑަބްލިއު.އާރ) އިން ޝާއިއު ކޮށްފައިވާ ރޭންކިންގްއިން އިންޑިއާގެއާގެ އެންމެ ފެންވަރު ރަގަޅު 8 ވަނަ ޔުނިވާސިޓީގެ މަގާމް ހާސިލުކޮށްފައެވެ.

ދެ މުއައްސަސާގެ މެދުގައި އެއްބަސް ވުމަށް ހުށަހަޅާފައިވާ އެމް.އޯ.ޔޫގެ ލިޔުން، އައި.ޔޫ.އެމް އިން ޕާޓްނަޝިޕް ބޭނުންވާ މުހިންމު ދާއިރާތައް ހިމެނޭހެން ފައިނަލްކޮށް، ދިވެހިރާއްޖެއަށް ޔުނިވާސިޓީގެ ޓީމެއް ފޮނުވުމަށް ވެސް އޭ.އެމް.ޔޫ އިން އަންނަނީ މަސައްކަތް ކުރަމުންނެވެ.