ޔޫއެސްގެ ނިއުކްލިއާ ރެގިއުލޭޓަރީ ކަމިޝަންގައި މަސައްކަތް ކުރާ ސައިންޓިސްޓެއްކަމަށްވާ ކާރާ މަކާލޯ އަށް މިސް ޔޫއެސްއޭކަން ލިބިއްޖެއެވެ.

އުމުރުން 25 އަހަރުގެ މަކާލޯއަށް ލިބިފައވަނީ 66 ވަނަ މިސް ޔޫއެސްކަމެވެ. މަކާލޯ ބުނީ އޭނާގެ ބޯ ބުޅި އިސްތަށިގަނޑަކަށް ހެދުމުން ވަރަށް ބިރުގެންފައި ހުރިކަމަށާއި މީހުން އޭނާ ބަލައިގަންނާނެ ކަމެއް ނޭގޭ ކަމަށެވެ. އެހެން ނަމަވެސް އޭނާ ބޭނުންވީ ތަފާތުކޮށްލުމަށްކަމަށް އޭނާ ބުންޏެވެ.

މިދިޔަ އަހަރުގެ މިސް ޔޫއެސް އަކީ ޑިޝައުނާ ބާބާއެވެ. އުމުރުން 26 އަހަރުގެ ޑިޝައުނާ ބާބާ އަކީ އެމެރިކާގެ ޑިޕާޓްމަންޓް އޮފް ކޮމާސްގެ އައިޓީ އެނަލިސްޓެކެވެ. އަދި 988 ވަނަ "ކުއާޓާ މާސްޓާ ޑިޓޭޗްމަންޓް ޔުނިޓް"ގެ ކޮމާންޑާރެކެވެ.

ބާބާ ވަނީ މަކާލޯއަށް ކްރައުން ދިނުމަށްފަހު ޓްރައިބިއުޓެއް އޭނާގެ މަންމަގެ ހަނދާނުގައި މަންމައިންގެ ދުވަހުގެ މުނާސަބަތާއި ދިމާކޮށް ބްރޮޑްކާސްޓް ކޮށްފައެވެ. ބާބާގެ މަންމަ މަރުވެފައވަނީ ލަންގް ކެންސަރުގައެވެ.

މަކާލޯ ބުނީ އޭނާ ބޭނުންވަނީ ކުޑަކުދިންނަށް ސައިންސްގެ ދާއިރާއިން ކުރިމަގެއް ދެއްކުމަށް ކަމަށެވެ.