ހާލުގައި ޖެހިގެން ކަމަށް ބުނެ، މާލޭގެ ފަޅު ތެރެއަށް ވަތް ރާއްޖެއިން ބޭރުގެ ޔޮޓެއް އެމްއެންޑީއެފް ބެލުމުގެ ދަށަށް ގެނެސްފިއެވެ.
އެމްއެންޑީއެފުން ބުނީ މާލޭ ފަޅުތެރެއަށް ވަތް ޔޮޓަކީ ހާލުގައި ޖެހުނު ޔޮޓެއް ކަމަށް މައުލޫމާތު ލިބިފައިވާ ކަމަށެވެ. މިހާރު އެމްއެންޑީއެފް ކޯސްޓްގާޑްގެ ބެލުމުގެ ދަށުން ޔޮޓް ހުޅުމާލެއަށް ގެންދާ ކަމަށް އެމްއެންޑީއެފުން ބުނެއެވެ.
ނަސަންދުރައާ ދިމާއިން ފަޅުތެރެއަށް ޔޮޓް ވަތްކަމުގެ ރިޕޯޓު ފުލުހުންނަށް ލިބިފައިވަނީ އަންގާރަ ދުވަހުގެ ހަވީރު 5:00ހާއިރު އެވެ. މި މައްސަލައާ ގުޅިގެން ބަލަން ޖެހޭ ކަންކަން ބަލަމުން އަންނަ އިދާރާއަކީ އެމްއެންޑީއެފް ކަމަށްވާތީ އެމައުލޫމާތު ހިއްސާކޮށްފައިވާ ކަމަށް ފުލުހުން ބުނެއެވެ.
މިޔޮޓާބެހޭ ގޮތުން އިތުރަށް ބަލަން ޖެހޭ ކަންކަން ބަލަމުންދާ ކަމަށް އެމްއެންޑީއެފުން ބުނެއެވެ.
