ރަައްޔިތުންގެ މަޖިލީހުން ކުރިއަށްގެންދާ ތަހުގީގަށް މިނިސްޓަރ އޮފް ނޭޝަނަލް ޕްލޭނިންގ ހައުސިންގ އެންޑް އިފްރާސްޓްރަކްޗަރ، މުހައްމަދު އަސްލަމް ހާޒިރުކޮށްފިއެެވެ.
ކޮމިޓީގެ ތަހުގީގު ކުރިއަށް ގެންދަވަނީ ސިއްރުކޮށެވެ.
މިނިސްޓަރ އަސްލަމް ހާޒިރުކޮށް ސުވާލު ކޮށްފައިވާއިރު، މާލެ ސިޓީގެ ކުރީގެ މޭޔަރ ޝިފާ މުހައްމަދު ވެސް ކޮމިޓީއަށް ހާޒިރުކޮށް ވަނީ ސުވާލު ކޮށްފައެވެ. ނީލޯފަރު ގޯޅިން ވެހިކަލް ހުސްކުރަން ރައީސް ނަޝީދުގެ ސެކިއުރިޓީން އެދުނު ނަމަވެސް އެކަން ކޮށްފައިނުވާކަން ފުލުހުންގެ ތަހުގީގަށް ވަނީ ފެންމަތިވެފައެވެ. އެހެންނަމަވެސް އެ ހާދިސާ ހިނގިއިރު ވެސް އެ ގޯޅިން ވެހިކަލްތައް ނުނަގައެވެ. ބެލެވޭ ގޮތުން ޝިފާއާ ސުވާލު ކުރަނީ މިކަމާ ބެހޭ ގޮތުންނެވެ.
އާދީއްތަ ދުވަހު 1:00ގައި ޗީފް އޮފް ޑިފެންސް ފޯސް އަދި ވައިސް ޗީފް އޮފް ޑިފެންސް ފޯސް ވެސް 241 ކޮމިޓީއަށް ހާޒިރުވާން ވަނީ އަންގާފައެވެ.
މި ތަހުގީގަށް ފުލުހުންނާއި ސިފައިން ހާޒިރުކޮށް ސުވާލުކުރުމަށް ކޮމިޓީން ވަނީ ނިންމާފައެވެ. ހޮނިހިރު ދުވަހު ސީޕީ މުހައްމަދު ހަމީދާއި ބައެއް ފުލުހުން ހާޒިރުކޮށް ސުވާލުކޮށްފައިވެއެވެ.
ކޮމިޓީން ވަކިވަކި ސިފައިންނާ ސުވާލުކުރަން ބޭނުންވާކަން އެއްގުމުން އަސްކަރިއްޔާއިންވަނީ ވަކިވަކި ސިފައިންނާ ސުވާލު ނުކުރެވޭނެ ކަމަށާއި، ސިފައިންގެ ފަރާތުން ޖަވާބުދާރީވާނީ މުއައްސަސާއިން ކަމަށް ބުނެ ބަޔާނެއް ނެރެފައެވެ.
