ކޮވިޑް-19ގައި ރާއްޖެއިން މިއަދު ބިދޭސީއަކު ނިޔާވެއްޖެއެވެ.

އެޗްޕީއޭއިން ބުނީ ނިޔާވީ އުމުރުން 37 އަހަރުގެ ސްރީލަންކާ ފިރިހެނެއް ކަމަށެވެ. އެމީހާ ނިޔާވީ އައިޖީއެމްއެޗް އެމަރޖެންސީ ރޫމުގައި ފަރުވާދެމުން ދަނިކޮށް ކަމަށް އެޗްޕީއޭއިން ބުނެފައިވެއެވެ. މިއީ ރާއްޖެއިން މި ބަލީގައި ނިޔާވި 176 ވަނަ މީހާއެވެ.

ކޮވިޑް 19 ގެ 4 ވަނަ ރާޅަށްފަހު ރާއްޖޭގައި ކޮވިޑްގެ ކޭސްތައް ވަނީ އިންތިހާއަށް އިތުރުވެފައެވެ. އަދި މަރުވާ މީހުންގެ އަދަދު ވެސް ވަނީ އިތުރުވެފައެވެ. އެގޮތުން ފާއިތުވެދިޔަ މެއި މަހަކީ، ކޮވިޑް-19 ރާއްޖޭގައި ފެތުރެންފެށި ފަހުން އެންމެ ގިނަ މީހުން ނިޔާވި މަހެވެ. ޖޫން މަސް ފެށުނުއިރު ވެސް ނިޔާވާ މީހުންގެ އަދަދު ދަށް ވެފައެއް ނުވެއެވެ.