މާލޭގެ ގެއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މއ. މޯނިންވިއު ތިން ވަނަ ފަންގިފިލާގައި އަލިފާނުގެ ހާދިސާ ހިނގައިގެން އެމްއެންޑީއެފްގެ ފަޔަރ އެންޑް ރެސްކިޔު ސަރވިސްއިން ހަރަކާތްތެރިވަމުންދާ ކަމަށެވެ. މިހާދިސާގެ ރިޕޯޓު ލިބިފައިވަނީ ފަތިހު ގާތްގަނޑަށް 5:00 ހާއިރުއެވެ.
Advertisement
އެސަރަހައްދުގައި ހަރަކާތްތެރިވާ ބައެއް އާއްމުން ބުނީ އަލިފާންގަނޑު ވަރަށް ބޮޑަށް ފެތުރިގެން ދިޔަ ކަމަށެވެ. އަދި އެއްޗެހިތަކެއް ގޮވާ އަޑު އިވޭ ކަމަށެވެ.
އަލިފާންގަނޑު ކޮންޓްރޯލް ކުރުމަށް ސިފައިން ދަނީ ހަރަކާތްތެރިވަމުން, އެސަރަހައްދުގެ ގެތަކުން މީހުން ދަނީ ހުސްކުރަމުންނެވެ.
