ކޮވިޑް-19އިން ދިފާއު ވުމަށް ވެކްސިން ޖެހި ފުރަތަމަ ފިރިހެން މީހާ މަރު ވެއްޖެއެވެ.

އިންގިރޭސިވިލާތުގެ ވިލިއަމް ބިލް ޝޭކްސްފިއާރ، 81، ވެގެންދިޔައީ ކޮވިޑް-19އާ ދެކޮޅަށް ވެކްސިން ޖެހި ފުރަތަމަ ފިރިހެން މީހާއަށެވެ. ބިލް މަރުވީ ވެކްސިނާ ގުޅުން ނެތް ކަމެއްގައި ކަމަށާއި، އޭނާ މަރުވީ ސްޓްރޯކެއް ޖެހިގެން ކަމަށް ރިޕޯޓު ކޮށްފައިވެއެވެ.

ބިލް ޖަހާފައިވަނީ، ފައިޒަރ ވެކްސިނެވެ. ބިލް ވެކްސިން ޖެހީ ފާއިތުވި ޑިސެމްބަރު މަހުގެ 8 ވަނަ ދުވަހުއެވެ. އޭނާއަށް ވެކްސިން ދީފައިވަނީ، ކޮންވެންޓްރީ ޔުނިވަރސިޓީ ހޮސްޕިޓަލުގައެވެ. ސްޓްރޯކް ޖެހިގެން މަރުވީ ވެސް ހަމަ އެ ހޮސްޕިޓަލުގައެވެ. ބިލް އޭރު ބުނެފައިވަނީ ވެކްސިނުން ދިރިއުޅުމުގެ ހާލަތަށް ބަދަލު ގެނެވޭނެ ކަމުގެ އުއްމީދު އެބައޮތް ކަމަށެވެ.

ބިލް ވެކްސިން ޖަހާފައިވަނީ ހަމަ އެ ހޮސްޕިޓަލުގައި 91 އަހަރުގެ މާގަރެޓް ކީނަން އަށް ވެކްސިން ދިނުމަށް ފަހުއެވެ.

ބިލްއަކީ ގިނަ ދުވަސްތަކަކަށް އާއްމުންނަށް ޚިދުމަތް ކޮށްފައިވާ މީހެކެވެ. ބިލްގެ މަރު ރިޕޯޓު ކޮށްފައިވަނީ، މެއި މަހުގެ 20 ވަނަ ދުވަހުއެވެ.