ހއ. ހޯރަފުށީ ހޮސްޕިޓަލް އައު އިމާރާތް ކުރުމުގެ މަސައްކަތް ބަޔަކާއި ހަވާލުކޮށްފިއެވެ.
މިނިސްޓްރީ އޮފް ހެލްތުން ބުނީ އެ މަސައްކަތް ކޮންޓްރެކްޓްކޮށްފައި ވަނީ ޕީޓީ ސިޓްރަމަސް ހެވީ އިންޑަސްޓްރީސް އިން ޖޮއިންޓް ވެންޗަރ ވިތު ފްލެކްސިންގ ޕްރައިވެޓް ލިމިޓެޑާއި ކަމަށެވެ.
ހއ. ހޯރަފުށީ ހޮސްޕިޓަލް އައު އިމާރާތުގެ އެއްބަސްވުމުގެ ދަށުން ކުރުމަށް ހަމަޖެހިފައިވާ މަސައްކަތުގެ ޖުމްލަ އަގަކީ 85,736,587.55 ރ (އަށްޑިހަ ފަސްމިލިއަން ހަތްސަތޭކަ ތިރީސްހަހާސް ފަސްސަތޭކަ އަށްޑިހަ ހަތް ރުފިޔާ ފަންސާސް ފަސް ލާރި)އެވެ.
އެ މަސައްކަތް ހަވާލުކޮށްފައި ވަނީ މީލާދީގޮތުން 540 (ފަސްސަތޭކަ ސާޅީސް) ދުވަހުގެ ތެރޭގައި ނިންމާގޮތަށެވެ.
