އާދީއްތަ 12 ޖުލައި 2020
12 ފުނޯސް
1441 ޒުލްގައިދާ 21
ފަތިސް 04:42
އިރުއަރާ 06:00
މެންދުރު 12:15
އަސްރު 15:38
އިރުއޮއްސޭ 18:24
އިޝާ 19:41
ކެލިފޯނިއާ

ކެލިފޯނިއާގެ ބޮޑު ސަރަހައްދެއް އަނދާ އަޅިޔަށް!

  • އެ ސްޓޭޓަށް ވަނީ ކުއްލި ނުރައްކަލުގެ ހާލަތު އިއުލާންކޮށްފަ
  • 30000 އަށް ވުރެއް ގިނަ މީހުންނަށް އަލިފާނުގެ ގެއްލުން ފޯރާފައިވޭ

ކ. މާލެ | 1 ނޮވެންބަރ 2019 | ހުކުރު 07:00 | 2,986

ކެލިފޯނިއާގައި ރޯވެފައިވާ ބޮޑު އަލިފާންގަނޑު ނިއްވަން ފަޔާފައިޓަރުން މަސައްކަތް ކުރަނީ - ގޫގުލް

އެމެރިކާގެ ކެލިފޯނިއާ ސްޓޭޓުގައި ރޯވެފައިވާ އަލިފާން ގަނޑު ކޮންޓްރޯލް ނުކުރެވި ބޮޑު ސަރަހައްދެއް އަނދާ އަޅިޔަށް ވެއްޖެއެވެ.

މީޑިއާ ރިޕޯޓްތަކުން ބުނާގޮތުގައި 1500 އޭކަރު (526 ހެކްޓަރ) އަށް އެ އަލިފާންގަނޑު ވަނީ ފެތުރިފައެވެ.

އަލިފާނުގެ ނުރައްކާ އޮތް ސަރަހައްދުގައި 18 މިލިއަނަށް ވުރެއް ގިނަ މީހުން ދިރިއުޅޭ އިރު އެ އަލިފާނުގެ ނުރައްކާ އިންތިހާއަށް ބޮޑުވުމުގެ ސަބަބުން 7000 ގެ އަކުން ވަނީ މީހުން ބަދަލުކުރަން ޖެހިފައެވެ. އަދި 30000 އަށް ވުރެއް ގިނަ މީހުންނަށް އެ އަލިފާނުގެ ގެއްލުން ފޯރާފައިވާ ކަމަށް ރިޕޯޓްތަކުގައި ބުނެފައިވެއެވެ.

ކެލިފޯނިއާގައި ރޯވެފައިވާ ބޮޑު އަލިފާންގަނޑު ނިއްވަން ފަޔާފައިޓަރަކު މަސައްކަތް ކުރަނީ

އެ ބޮޑު އަލިފާނުގެ ނުރައްކާ ބޮޑު ވުމުގެ ސަބަބުން ކެލިފޯނިއާގެ ގަވަރްނަރު ގެވިން ނިއުސަމް ވަނީ އެ ސްޓޭޓްގައި ކުއްލި ނުރައްކަލުގެ ހާލަތުވެސް އިއުލާން ކޮށްފައެވެ.

ކެލިފޯނިއާގައި 2017 ވަނަ އަހަރު އަލިފާނުގެ ސަބަބުން 44 މީހުން މަރުވެފައި ވާއިރު ފާއިތުވި އަހަރު 86 މީހުން އަލިފާނުގެ ސަބަބުން މަރުވި ކަމަށް ރިޕޯޓްތަކުގައި ބުނެފައިވެއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.