ހޯމް މިނިސްޓްރީން ދިހަ ހާސް ގައުމީ ދިހަ ހޯދުމަށް އިއުލާނުކޮށްފި އެވެ.
މިކަމާ ގުޅޭ ގޮތުން ހޯމް މިނިސްޓްރީން ބުނީ، މިގޮތަށް އެހާ ގިނަ އަދަދެއްގެ ދިހަ ހޯދުމަށް އިއުލާނުކޮށްފައިވަނީ ވަކި ޚާއްސަ ކަމަކަށް ނޫން ކަމަށާއި އެއީ މިނިސްޓްރީން ފާހަގަކުރާ ދުވަސްތަކުގައި ބޭނުން ކުރުމަށްޓަކާ ކަމަށެވެ.
އެހެން ނޫނީ މިނިސްޓްރީން ފާހަގަކުރާ ދުވަސްތަކަށް އެ ދުވަހެއް ޖެހުމުން އިއުލާނުކޮށްގެން ދިދަ ހޯދާތީވެ، ދަތިތަކާ ކުރިމަތިވާ ކަމަށްވެސް ހޯމް މިނިސްޓްރީން ވަނީ ބުނެފަ އެވެ.
ހޯމް މިނިސްޓްރީން ބުނީ މިފަދަ ގޮތަކަށް މީގެ ކުރިން އިއުލާނެއް ކޮށްފައިވާނީ މިނިވަންފަންސާހާ ގުޅިގެން ކަމަށެވެ.
ހޯމް މިނިސްޓްރީން 10،000 ދިދަ ބޭނުންވާ ކަމަށް އިއުލާނުކޮށްފައިވާ އިރު ބޭނުންވަނީ ގައުމީ ދިދައިގެ އޭފޯ ސައިޒް ދިދަ ކަމަށް ވަނީ ބަޔާންކޮށްފަ އެވެ. އަދި މި ދިދަތައް ބޭނުންވަނީ ދިދަ ދަނޑިއާއެކު ކަމަށްވެސް އެ މިނިސްޓްރީން ބުނެ އެވެ.
ހޯމް މިނިސްޓްރީއަށް ގައުމީ ދިދަ ފޯރުކޮށްދޭން ޝައުގުވެރިވާ ފަރާތްތަކުން މިމަހުގެ 16ގެ ކުރިން މައުމޫލާތު ސާފުކުރެއްވުމަށްފަހު މިމަހުގެ 21 ވަނަ ދުވަހުގެ ކުރިން ބިޑު ހުށަހެޅުމަށް ވަނީ އެދިފަ އެވެ.
މިކަމާ ގުޅޭ މައުލޫމާތު ސާފުކުރުމަށް ވަޑައިނުގަންނަވާ ބޭފުޅުންގެ އަންދާސީ ހިސާބު ބަލައިނުގަނެވޭނެ ކަމަށް ހޯމް މިނިސްޓްރީން ހާމަކުރެއެވެ.
