ދ. ބަނޑިދޫއިން ގަވައިދާ ހިލާފަށް ރުއް ނަގާ މައްސަލަ ތަހުގީގު ކުރަމުންދާ ކަމަށް އެންވަޔަރަންމަންޓަލް ޕްރޮޓެކްޝަން އެޖެންސީ (އީޕީއޭ) އިން ބުނެފިއެވެ.
ބަނޑިދޫގައި ހިންގާ މަގު ހެދުމުގެ މަޝްރޫއު ހިންގުމަށް ގިނަ އަދަދެއްގެ ރުއް ނަގާ މައްސަލަ ފެން މަތިވެފައި ވަނިކޮށް ގަވާއިދާ ހިލާފަށް އެ ރަށުން ރުއް ނަގާ މައްސަލައެއް ވަނީ ފެންމަތިވެފައެވެ.
Dh. Bandidhoo EIA is under review. A decision for the project has not yet been issued. We are investigating claims of illegal uprooting of palms from Bandidhoo with assistance of @PoliceMv.
— EPA Maldives (@EPAMaldives) November 21, 2018
ބަނޑިދޫގެ މަގުހެދުމަށް ރުއް ނަގާ މައްސަލަ ފެންމަތިވުމުން އީޕީއޭ އިން ބުރާސްފަތި ދުވަހު ކުރި ޓްވީޓެއްގައި ބުނީ އެކަމާ ގުޅިގެން ހެދި އީއައިއޭ މިހާރު ދިރާސާ ކުރަމުންދާ ކަމަށާއި ނަަމަވެސް މައްސަލައިގައި އަދި ގޮތެއް ނުނިންމާ ކަމަށެވެ.
ބަނޑިދޫން ރުއްގަސް ނަގާ މައްސަލަ ފެންމަތިވެފައިވާއިރު މީގެ ކުރިން އެއަތޮޅު ރިނބުދޫ ކައުންސިލުން ހިންގި ޕްރޮޖެކްޓަކަށް އެރަށުން ރުއްގަސް ނެގި މައްސަލައެއްގައި އެ ރަށު ކައުންސިލް ވަނީ 250,000 ރުފިޔާއިން ޖޫރީމަނާކޮށްފައެވެ.
ބަނޑިދޫގައި 15 މަގެއް ހެދުމަށް ތަން ސާފުކުރުމާއި މަގު އެއްވަރު ކުރުމުގެ މަސައްކަތް ސަން ޓްރެވަލްސް އިން ކުރަމުންދާއިރު އެ ރަށުން ނަގާ ރުއްތައް އަލުވިފުށި ރިސޯޓަށް ގެންދާތީ އެރަށުގެ ރައްޔިތުން ވެސް ދަނީ ކަންބޮޑުވުން ފާޅުކުރަމުންނެވެ.
