ކ. މާލެ
|
10 ފެބްރުއަރީ 2021 | ބުދަ 17:44
ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިން- ފަނޑިޔާރު އަލީ ރަޝީދުގެ މުޅި އާއިލާއަށް ފްލެޓު ލިބުނުކަމަށް ބުނެ ބައެއް އޮންލައިން ނޫސްތަކުންނާއި، މީސްމީޑިއާގައި ދަނީ ޚަބަރު ފެތުރެމުން
ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިން- ފަނޑިޔާރު އަލީ ރަޝީދުގެ މުޅި އާއިލާއަށް ފްލެޓު ލިބުނުކަމަށް ބުނެ ބައެއް އޮންލައިން ނޫސްތަކުންނާއި، މީސްމީޑިއާގައި ދަނީ ޚަބަރު ފެތުރެމުން
ސަން އޮންލައިން
ހިޔާ މަޝްރޫއު ފްލެޓު
ޔާމީނަށް ޙުކުމް ކުރެއްވި ފަނޑިޔާރުގެ މުޅި އާއިލާއަށް ފްލެޓު ލިބުނު ވާހަކައަކީ ދޮގެއް!
 
ފަނޑިޔާރު އަލީ ރަޝީދު އުޅުއްވަނީވެސް އާއިލާއާއެކު ކުއްޔަށް
 
އަލީ ރަޝީދުގެ މުޅި އާއިލާއަށް ފްލެޓު ލިބުނުކަމަށް ބުނެ ޚަބަރު ފެތުރެމުންދޭ
 
ފަނޑިޔާރު އަލީ ރަޝީދުގެ އާއިލާގައި 11 މެމްބަރުން ތިއްބަވާ

ކުރީގެ ރައީސް އަބްދުﷲ ޔާމީނުގެ މައްޗަށް މަނީ ލޯންޑަރިންގގެ ކުށް ސާބިތުވެ، 5 އަހަރުގެ ޖަލު ޙުކުމެއް ކުރެއްވި ފަނޑިޔާރު އަލީ ރަޝީދު ހުސައިންގެ އާއިލާއަށް ހިޔާ މަޝްރޫއިން ފްލެޓު ލިބުނު ކަމަށް ބުނެ ފަތުރަމުންދަނީ ދޮގު ޚަބަރެއްކަން "ރާއްޖެއެމްވީ"އަށް އެނގިއްޖެއެވެ.

މިހާރު ސުޕްރީމް ކޯޓުގެ ފަނޑިޔާރުކަންވެސް ކުރައްވަމުން ގެންދަވާ ފަނޑިޔާރު އަލީ ރަޝީދުގެ މުޅި އާއިލާއަށް ފްލެޓު ލިބުނުކަމަށް ބުނެ ބައެއް އޮންލައިން ނޫސްތަކުންނާއި، މީސްމީޑިއާގައި ދަނީ ޚަބަރު ފެތުރެމުންނެވެ. އެހެންނަމަވެސް، އެއީ ކަނޑައެޅިގެން ދޮގު ޚަބަރެއްކަން ރާއްޖެއެމްވީން ހޯދި ހޯދުމުން ވަނީ އެނގިފައެވެ.

ފްލެޓު ލިސްޓުތަކާއި ގުޅިގެން ރާއްޖެއެމްވީން ހޯދި ހޯދުންތަކުން އެނގިފައިވާ ގޮތުގައި ފަނޑިޔާރު އަލީ ރަޝީދުގެ އާއިލާގައި 11 މެމްބަރުން ތިއްބަވައެވެ. އޭގެ ތެރޭގައި ހިމެނެނީ ފަނޑިޔާރު އަލީ ރަޝީދުގެ އެއްބަނޑު އެއްބަފާ 6 ބޭފުޅުންނާއި، އެއްބަނޑު 2 ބޭފުޅުންގެ އިތުރުން، އެއްބަފާ 3 ބޭފުޅެކެވެ. އެހެން ނަމަވެސް، ފްލެޓު ލިބިފައިވަނީ އާއިލާގެ އެންމެ ބޭފުޅަކަށެވެ.

ރާއްޖެއެމްވީއަށް އެނގިފައިވާ ގޮތުގައި ފަނޑިޔާރު އަލީ ރަޝީދު ފްލެޓަށް ހުށައަޅުއްވާފައެއްވެސް ނުވެއެވެ. އެހެން ނަމަވެސް، އަލީ ރަޝީދުގެ އަނބިކަނބަލުން ފްލެޓަށް ހުށައެޅުއްވިއެވެ. އަދި ފްލެޓު ލިބޭ މީހުންގެ ދާއިމީ ލިސްޓުގައި އޭނާގެ ނަމެއް ނުހިމެނެއެވެ.

އިތުރަށް ބެލި ބެލުމުން ރާއްޖެއެމްވީއަށް މައުލޫމާތު ލިބިފައިވާ ގޮތުގައި ފަނޑިޔާރު އަލީ ރަޝީދު އުޅުއްވަނީވެސް އާއިލާއާއެކު ކުއްޔަށެވެ.

އޭގެ އިތުރުން، ފަނޑިޔާރު އަލީ ރަޝީދު ހުސައިންގެ އާއިލާއިން ފްލެޓު ލިބިފައިވަނީ ހުޅުމާލޭގައި ގިނަ އަހަރުތަކެއް ވަންދެން އުޅެފައިވާ އަދި 3 ކުދިންނާއި އާއިލާއާއެކު ދިރިއުޅެމުންދާ މެމްބަރަކަށެވެ. އޭނާއަށް ފްލެޓު ދީފައިވަނީ ދިރިއުޅުމުގެ ޙާލަތު ބެލުމަށްފަހު، އޭރުގެ ސަރުކާރުން އެކުލަވާލި ލިސްޓުންވެސް މަތިން ޕޮއިންޓް ލިބިގެންނެވެ. ވީއިރު، އައު ސަރުކާރު އައިސް އެކުލަވާލި ފްލެޓު ކޮމިޓީން ފަނޑިޔާރު އަލީ ރަޝީދުގެ މުޅި އާއިލާއަށް ފްލެޓު ދިންކަމަށް ބުނާ ވާހަކައަކީ ދޮގެއްކަން މިވަނީ ހާމަވެފައެވެ.

ކްރިމިނަލް ކޯޓުގެ ހިންގުން އޭރު ޤާޟީ ޢަލީ ރަޝީދާއި ޙަވާލުކުރީ އިސް ޤާޟީ ހައިލަމް ސަސްޕެންޑް ކުރުމާއި ގުޅިގެންނެވެ. ހައިލަމް ސަސްޕެންޑްކުރީ ނަޞްރުގެ ދުވަހުގެ ތަހުނިޔާ ވިދާޅުވެ ވައިބަރ ގްރޫޕަކަށް ފޮނުއްވި މެސެޖެއްގައިވާ ކުރެހުމެއްގެ މައްސަލައިގަ އެވެ. ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙާއި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދުގެ ކަރުގައި ޗޭނު ޖަހައިގެން ހިންގުވާ މަންޒަރު އެ ކުރެހުމުން ފެނެއެވެ. އެ މެސެޖްގެ ސްކްރީން ޝޮޓް ސޯޝަލް މީޑިޔާގައި ޢާންމުވުމާއެކު ގިނަ ބަޔެއްގެ ފާޑުކިޔުންތައް ހައިލަމަށް ޢަމާޒުވިއެވެ. އޭގެތެރޭގައި ރައްޔިތުންގެ މަޖިލީހުގެ އެމްޑީޕީ މެމްބަރުންވެސް ހިމެނިވަޑައިގަންނަވައެވެ.

ކުރީ ސަރުކާރުން ހިޔާ މަޝްރޫއުގެ ފްލެޓު ލިސްޓުތައް ފައިނަލްކުރިއިރު، އެ ލިސްޓުތައް ރާއްޖެއެމްވީން ވާނީ ދިރާސާ ކޮށްފައެވެ. އަދި އޭރު ސަރުކާރުގެ އިސް މަޤާމުތަކުގައި ތިއްބެވި ބޭފުޅުންނާއި، ފަނޑިޔާރުންގެ އިތުރުން، ސިޔާސީ މަޤާމުތަކާއި، މިނިވަން މުއައްސަސާތަކުގައި ތިއްބަވާ މެމްބަރުންނާއި، މެމްބަރުންގެ އާއިލާތަކަށް އޮތީ ފްލެޓު ކަށަވަރު ކޮށްދީފައެވެ. އެހެންނަމަވެސް، އޭގެ ތެރެއިން ގިނަ ބޭފުޅުންގެ ދިރިއުޅުމުގެ ޙާލަތުވެސް ބަލާފައެއް ނުވެއެވެ. އަދި ދިރިއުޅުމުގެ ޙާލަތު ބައިން 0 ލިބިފައިވާ ގިނަ ބަޔަކަށް ފްލެޓު ލިބޭ ކަމަށްވެސް އޭރުގެ ލިސްޓުގައި ކަނޑައަޅާފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒަމްޢަތު އަޙްމަދު ވަހީދު
6%
44%
3%
18%
6%
24%
ކޮމެންޓް
12 ފެބްރުއަރީ 2021 | ހުކުރު 13:30
ފަފފރޮށި5
މީ ފަނޑިޔާރު ލިޔެދެއްވި ރިޕޯޓެއްތަ!!
10 ފެބްރުއަރީ 2021 | ބުދަ 19:07
ފާތުމަ
އަދި ކިރިޔާ ސައްޙަ މައުލޫމާތު ތިޔަ ހާމަ ކުރީ. މީގެ ކުރިން ހަންނޮޅާލީ😊
10 ފެބްރުއަރީ 2021 | ބުދަ 17:48
ަރަދީފް
ލައި ކަލޭ ތިއުޅެނީ ކޯޗެއް ޑިފެންޑްކުރަންތަ؟ މަހަށް ދޭބަލަ.
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ