އާދީއްތަ 17 ޖެނުއަރީ 2021
12 އުތުރަހަޅަ
1442 ޖުމާދުލް އާހިރަތު 03
ފަތިސް 05:01
އިރުއަރާ 06:17
މެންދުރު 12:20
އަސްރު 15:40
އިރުއޮއްސޭ 18:15
އިޝާ 19:31
ޓެރަރިސްޓް ހަމަލާއެއް ހުއްޓުވުން

ޓެރަރިޒަމް މައްސަލައިގައި ހައްޔަރުކުރި ދެ މީހުންގެ ބަންދަށް ހަތް ދުވަސް ޖަހައިފި

  • މި މައްސަލައާ ގުޅުންހުރި އަށް މީހަކު ވަނީ ހައްޔަރުކޮށްފައި
  • މައްސަލައިގައި ޝާމިލުވާ ފަރާތްތަކުގެ ބަންދުގެ މުއްދަތު ވަނީ އިތުރުކޮށްދީފައި
  • މި މައްސަލައާ ގުޅޭ އިތުރު މައުލޫމާތެއް ފުލުހުން ހާމަކޮށްފައެއް ނުވޭ

ކ. މާލެ | 28 ނޮވެންބަރ 2020 | ހޮނިހިރު 18:44 | 4,778

ފުލުހުން މީހުން ހައްޔަރު ކުރުމުގައި ހަރަކާތްތެރި ވަނީ - ޕޮލިސް

ދީނީ ހަރުކަށި ފިކުރުގެ ބަޔަކު ރާވަމުން ދަނިކޮށް ހުއްޓުވި ޓެރަރިސްޓު ހަމަލާއާ ގުޅުންހުރި ކަމުގެ ތުހުމަތުގައި ހުކުރު ދުވަހު ހައްޔަރުކުރި ދެ މީހުންގެ ބަންދަށް 7 ދުވަސް ޖަހައިދީފިއެވެ.

މި މައްސަލައިގައި ހުކުރު ދުވަހު ހައްޔަރުކޮށްފައި ވަނީ 28 އަހަރުގެ ދިވެއްސަކާއި، 34 އަހަރުގެ ދިވެއްސެކެވެ. ދެން މި މައްސަލައިގައި ހައްޔަރުކޮށްފައިވަނީ އުމުރުން 20 އަހަރުގެ މީހަކާއި، 21 އަހަރުގެ މީހަކާއި، 29 އަހަރުގެ މީހެއްގެ އިތުރުން 31 އަހަރުގެ މީހަކާއި، 34 އަހަރުގެ މީހަކާއި، 18 އަހަރުގެ މީހެކެވެ. ފުލުހުންގެ މީޑިއާ އޮފިޝަލަކު ވިދާޅުވީ އުމުރުން 18 އަހަރުގެ މީހާ ފިޔަވާ ކުރިން ހައްޔަރު ކުރި ފަސް މީހުންގެ ބަންދަށް އިތުރު 15 ދުވަސް ދީފައިވާކަމަށެވެ.

ދީނީ ގޮތުން ހައްދުފަހަނައަޅާފައިވާ ބަޔަކު ރާވައިގެން ހިންގަން އުޅުނު ޓެރަރިޒަމްގެ އަމަލެއް ހުއްޓުވަން ފުލުހުން ކުރިއަށް ގެންދިޔަ އޮޕަރޭޝަނުގެ ތެރެއިން ހައްޔަރުކުރި މީހުން ހައްޔަރުކުރީ މާލެ އަތޮޅު ކަނޑުމަތިންނާއި ތ. ތިމަރަފުށިންނެވެ. މި މައްސަލައާ ބެހޭ އިތުރު މައުލޫމާތެއް މިހާތަނަށް ފުލުހުން ހާމަކޮށްފައެއް ނުވެއެވެ.

ރާއްޖޭގައި ދީނީ ހަރުކަށި ފިކުރުގެ މީހުންގެ އަދަދު އިތުރުވަމުން އަންނަ ކަމަށާއި، ބޭރުގެ ގައުމުތަކަށް ހަނގުރާމަތަކަށްދާ ދިވެހިންގެ އަދަދުތައް އިތުރުވަމުން އަންނަ ކަމަށް ކަމާ ބެހޭ އިދާރާތަކުން ވަނީ ހާމަކޮށްފައެވެ.

ހައްދުފަހަނައަޅާފައިވާ ފިކުރުގެ މައްސަލަ ހައްލުކުރުމަށް ހޯމް މިނިސްޓްރީއާއި ފުލުހުން އަދި އެމްއެންޑީއެފްގެ ކައުންޓަރ ޓެރަރިޒަމް ސެންޓަރު ގުޅިގެން އަންނަނީ ހާއްސަ މަސައްކަތްތަކެއް ކުރަމުންނެވެ. އެގޮތުން ރާއްޖެއިން ބޭރުގެ ހަނގުރާމަތުގައި ބައިވެރިވުމަށްފަހު އަނބުރާ އަންނަ މީހުން ރިހެބިލިޓޭޓް ކުރާނެ ސެންޓަރެއް ސަރުކާރުން ވަނީ ގާއިމުކޮށްފައެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.