ހޮނިހިރު 28 ނޮވެންބަރު 2020
02 ދޮށަ
1442 ރަބީޢުލްއާޚިރު 12
ފަތިސް 04:39
އިރުއަރާ 05:55
މެންދުރު 11:58
އަސްރު 15:18
އިރުއޮއްސޭ 17:53
އިޝާ 19:09
ނޭހާ ކައްކަރުގެ ކައިވެނި

މަޝްހޫރު ލަވަކިޔުންތެރިޔާ ނޭހާ ކައްކަރު ކައިވެނިކޮށްފި

  • މި ޖޯޑު ކައިވެނިކުރީ ހޮނިހިރު ދުވަހު
  • ކައިވެނީގެ ބޮޑު ހަފްލާއެއް ފަހުން ބޭއްވުމަށް ވަނީ ހަމަޖެހިފައި
  • މިދެމީހުންގެ ގުޅުން އިއުލާން ކުރީ މިމަހުގެ 9 ގައި

ކ. މާލެ | 25 އޮކްޓޯބަރ 2020 | އާދީއްތަ 09:15 | 11,597

ނޭހާ ކައްކަރާއި ފިރިމީހާ ރޯހަންޕްރީތް ސިންގް - ހިންދުސްތާނީ ޓައިމްސް

ލަވަކިޔުންތެރިޔާ ނޭހާ ކައްކަރާއި ލަވަކިޔުންތެރިޔާ ރޯހަންޕްރީތް ސިންގް ކަައިވެނިކޮށްފިއެވެ.

މިޖޯޑު ކައިވެނި ކޮށްފައި ވަނީ ހޮނިހިރު ދުވަހު ދިއްލީގައެވެ. ކައިވެނީގެ ހަފްލާއަށް ދައުވަތު ދީފައި ވަނީ ދެ ފަރާތުގެ އާއިލާގެ މެންބަރުންނާއި ގާތް ރައްޓެހިންނަށް އެކަންޏެވެ.

މި ދެމަފިރިންގެ ކައިވެނީގެ ބޮޑު ހަފްލާއެއް ޕަންޖާބުގައި ފަހުން ބޭއްވުމަށް ހަމަޖެހިފައިވާ ކަަމަށް ރިޕޯޓްތައް ބުނެއެވެ.

މީގެ ކުރިން ނޭހާ ވަނީ އޭނާގެ ކައިވެންޏަށް ތައްޔާރު ވުމަށްޓަކައި ބޭއްވި ހަލްދީ ހަފްލާއާއި އަދިވެސް އެކިއެކި ހަފްލާތަކުގެ ފޮޓޯތައް އިންސްޓަގްރާމްގައި ހިއްސާ ކޮށްފައެވެ.

ނޭހާ އާއި ރޯހަންޕްރީތްގެ ގުޅުން ނޭހާ އިއުލާން ކޮށްފައި ވަނީ މި މަހުގެ ނުވަ ވަނަ ދުވަހު އޭނާގެ އިންސްޓަގްރާމްގައި ހިއްސާ ކުރި ފޮޓޯއަކާއި އެކުގައެވެ.

ނޭހާ ވަނީ ފޮޓޯގެ ކެޕްޝަންގައި "ޔޫ އާރ މައިން" ޖެހުމަށް ފަހު ރޯހަންޕްރީތް ޓެގް ކޮށްފައެވެ. ރޯހަންޕްރީތް ވެސް ވަނީ ހަަމަ އެ ފޮޓޯ ހިއްސާ ކޮށް ނޭހާ ޓެގް ކުރުމަށް ފަހު ކެޕްޝަންގައި "މީޓް މައި ޒިންދަގީ" ލިޔެފައެވެ. އޭގެ ފަހުން ދެމީހުން ވެސް ދަނީ އެކުގައި ނަގާފައިވާ ފޮޓޯތައް ސޯޝަލް މީޑިއާގައި ހިއްސާ ކުރަމުންނެވެ.

މީގެ އިތުރުން ސޯޝަލް މީޑިއާގައި ދައުރުވަމުންދާ އެދެ މީހުންގެ ރޯކާ ސެރެމަނީގެ ވީޑިއޯއަށް ވެސް ގިނަބައެއްގެ ނަޒަރު ވަނީ ހުއްޓިފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.