ހޮނިހިރު 28 ނޮވެންބަރު 2020
02 ދޮށަ
1442 ރަބީޢުލްއާޚިރު 12
ފަތިސް 04:39
އިރުއަރާ 05:55
މެންދުރު 11:58
އަސްރު 15:18
އިރުއޮއްސޭ 17:53
އިޝާ 19:09
އިބޫއަށް އަނިޔާވި މައްސަލަ

އިބޫއަށް އަނިޔާވީ އަންހެނުންގެ ދަބަހުގައި އޮތް ކަޓަރަކުން!

  • މިމައްސަލަ ފުލުހުން ދަނީ އިތުރަށް ބަލަމުން

ކ. މާލެ | 19 އޮކްޓޯބަރ 2020 | ހޯމަ 11:19 | 15,039

އެމްޑީޕީގެ މާމިގިލި ދާއިރާގެ ރައީސް އިބްރާހީމް ރަޝީދުގެ (މާމިގިލި އިބޫ) - ރާއްޖެއެމްވީ

ކުރީގެ ގްރޭޓާރ މާލެ އިންޑަސްޓްރިއަލް ޒޯންގެ މެނޭޖިންގ ޑިރެކްޓަރ އަދި އެމްޑީޕީގެ މާމިގިލި ދާއިރާގެ ރައީސް އިބްރާހީމް ރަޝީދުގެ (މާމިގިލި އިބޫ) އަށް ތޫނު އެއްޗަކުން އަނިޔާވީ، އޭނާގެ އަންހެނުންގެ އަތް ދަބަހުގައި އޮތް ކަޓަރު އެޅިގެން ކަމަށް އޭނާ ފުލުހުން ގާތުގައި ބުނެފިއެވެ.

ފުލުހުން މައުލޫމާތު ދިން ގޮތުގައި އާދިއްތަ ދުވަހުގެ ރޭ 22:51 ގައި ހިނގި މި ހާދިސާގައި އޭނާ އަށް ޒަޙަމް ފާހަގަވެފައިވަނީ އަންހެނުންނާއި އެކު ސައިކަލުގައި ދުއްވަނިކޮށް ކަމަށް އިބޫ ވަނީ ފުލުހުންނަށް މައުލޫމާތު ދީފައެވެ.

ޒަހަމަކާއެކު އޭޑީކޭގައި އޭނާއަށް ފަރުވާދެމުން އަންނައިރު ފުލުހުން ބުނެފައިވަނީ މި މައްސަލައާއި ގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަމަށެވެ.

އާދިއްތަ ދުވަހުގެ ރޭ ށ. ފޯކައިދޫއާއި އައްޑޫ ސިޓީގައި ވަނީ މާރާމާރީ ހިންގާފައެވެ. އަދި މި ހާދިސާތަކުގައި ޒަޚަމްވި މީހުންނަށް ވަނީ ސީރިއަސް އަނިޔާތަކެއް ލިބިފައެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި އިބޫ އަށް އަނިޔާ ލިބިފައިވަނީ މޭކަށިގަނޑާއި ދިމާލުންނެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.