ބުރާސްފަތި 01 އޮކްޓޯބަރ 2020
11 އަތަ
1442 ސަފަރު 13
ފަތިސް 04:41
އިރުއަރާ 05:52
މެންދުރު 12:00
އަސްރު 15:08
އިރުއޮއްސޭ 18:00
އިޝާ 19:11
ކޮވިޑް-19 ރާއްޖޭގެ ޙާލަތު

ހޮނިހިރު ދުވަހު 129 މީހަކު ޕޮޒިޓިވްވި، އެކްޓިވް ކޭސްތައް 2000ން މައްޗަށް!

  • އޭގެ ތެރޭގައި 93 ދިވެހިންވެސް ހިމެނޭ
  • 128 މީހުންނަކީ މާލޭ ސަރަޙައްދުން ޕޮޒިޓިވްވި މީހުން
  • ޕޮޒިޓިވްވި މީހުންގެ ޖުމުލަ އަދަދު ވަނީ 4898ށް އަރާފަ

ކ. މާލެ | 8 އޯގަސްޓް 2020 | ހޮނިހިރު 22:17 | 2,722

ކޮވިޑަށް ޓެސްޓްކުރުމުގެ މަސައްކަތް ކުރިއަށްގެންދަނީ - ޔޫސުފް ސޮފްވާން ރަޝީދު

ރާއްޖެއިން އިތުރު 129 މީހަކު ކޮވިޑް-19 އަށް ޕޮޒިޓިވް ވެފައިވާކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.

ހޮނިހިރު ދުވަހުގެރޭ އެޗްޕީއޭއިން ކުރި ޓްވީޓެއްގައި ބުނީ، ރާއްޖެއިން އިތުރު 129 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށާއި، އޭގެ ތެރޭގައި 93 ދިވެހިންވެސް ހިމެނޭ ކަމަށެވެ. އަދި ބަންގްލަދޭޝްއަށް ނިސްބަތްވާ 26 މީހަކާއި، އިންޑިއާއަށް ނިސްބަތްވާ 9 މީހެއްގެ އިތުރުން، ނޭޕާލް މީހެއްވެސް ހޮނިހިރު ދުވަހު ޕޮޒިޓިވް ވެފައިވެއެވެ. އެއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމުލަ އަދަދު ވަނީ 4898ށް އަރާފައެވެ.

އޭގެ އިތުރުން، ރާއްޖެއިން މި ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 2791ށް އަރާފައެވެ. އަދި މި ވަގުތުގެ އެކްޓިވް ކޭސްތަކުގެ އަދަދަކީ 2088 އެވެ.

އެޗްޕީއޭއިން ބުނީ، ހޮނިހިރު ދުވަހު ޕޮޒިޓިވްވި މީހުންގެ ތެރެއިން 128 މީހުންނަކީ މާލޭ ސަރަޙައްދުން ޕޮޒިޓިވްވި މީހުން ކަމަށެވެ. އަދި މިވަގުތުވެސް 144 މީހަކަށް ހޮސްޕިޓަލުތަކުގައި ފަރުވާ ދެމުންދާކަމަށް ބުނެފައިވެއެވެ. މިވަގުތު އައިސޮލޭޝަން ފެސިލިޓީތަކުގައި ފަރުވާ ދެމުންދާ މީހުންގެ އަދަދަކީ 1481 އެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.