އާދީއްތަ 20 ސެޕްޓެންބަރ 2020
14 އުތުރަ
1442 ސަފަރު 02
ފަތިސް 04:43
އިރުއަރާ 05:54
މެންދުރު 12:04
އަސްރު 15:06
އިރުއޮއްސޭ 18:05
އިޝާ 19:16
މެޑަމް ނަސްރީނާ

މެޑަމް ނަސްރީނާގެ ހަށިކޮޅުން ލޮނު މަދުވެގެން ހޮސްޕިޓަލުގައި އެޑްމިޓް ކޮށްފި

  • އެޑްމިޓް ކުރައްވާފައިވަނީ އަންގާރަ ދުވަހު
  • ހާލުކޮޅު ރަނގަޅު ކަމަށް އާއިލާއިން މައުލޫމާތުދޭ
  • ޓެސްޓްގެ ނަތީޖާ ކޮވިޑް-19 އަށް ނެގެޓިވް

ކ. މާލެ | 5 އޯގަސްޓް 2020 | ބުދަ 22:26 | 16,204

ކުރީގެ ރައީސް މައުމޫން އަބްދުލް ޤައްޔޫމާއި އަނބިކަނބަލުން ނަސްރީނާ އިބްރާހިމް - ޓްވިޓަރ

ކުރީގެ ރައީސް މައުމޫން އަބްދުލް ޤައްޔޫމްގެ އަނބިކަނބަލުން ނަސްރީނާ އިބްރާހިމްގެ ހަށިކޮޅުން ލޮނުގެ ބައި ދަށްވުމުގެ ސަބަބުން ހޮސްޕިޓަލްގައި އެޑްމިޓު ކޮށްފިއެވެ.

ރައީސް މައުމޫނުގެ އާއިލާގެ ގާތް މަސްދަރަކުން ރާއްޖެއެމްވީއަށް މައުލޫމާތު ދެއްވަމުން ވިދާޅުވީ އީދު ޗުއްޓީ ހޭދަކުރުމަށްޓަކައި އާއިލާ އާއެކު ރިސޯޓެއްގައި މެޑަމް ނަސްރީނާ ހުންނަވަނިކޮށް ހަށިކޮޅުން ސޯޑިއަމް ދަށްވެފައިވާ ކަމަށެވެ.

އަންގާރަ ދުވަހު ހެނދުނު ނަސްރީނާ ޓްރީޓޮޕް ހޮސްޕިޓަލަށް ގެންދެވި ކަމަށާއި އެ ހޮސްޕިޓަލުގައި އެޑްމިޓްކޮށް މިހާރު ފަރުވާ ހޯއްދަވަމުންދާ ކަމަށް ވެސް އޭނާ ވިދާޅުވިއެވެ.

ނަސްރީނާގެ ސިއްހީ ހާލުކޮޅު ބަޔާންކުރައްވާ ބުދަ ދުވަހުގެ ރޭ ރައީސް މައުމޫނު ކުރެއްވި ޓްވީޓުގައި ވިދާޅުވީ ރައްޓެހިންނަށާއި ހެޔޮ ދުޢާ ކޮށްދެއްވި އެންމެހާ ފަރާތްތަކަށް އާއިލާގެ ފަރާތުން ޝުކުރު އަދާކުރައްވާކަމަށެވެ.

މާތް ﷲ ގެ އިރާދަފުޅާއެކު ނަސްރީނާގެ ހާލުކޮޅު ރަނގަޅުވަމުން އަންނަ ކަމަށާއި ކޮވިޑް-19 އަށް ނެގެޓިވް ވެފައިވާ ކަމަށް ވެސް ރައީސް މައުމޫން ވިދާޅުވިއެވެ.

އުސޫލެއްގެ ގޮތުން ހޮސްޕިޓަލަށް ގެންދެވޭ އެންމެންވެސް ދަނީ ކޮވިޑް-19 އަށް ޓެސްޓް ކުރަމުންނެވެ.

އާންމު ގޮތެއްގައި ހަށިގަނޑުން ލޮނުގެ ބައި މަދުވަނީ ދޮށީ އުމުރުގެ މީހުންނާއި ހަކުރު ބަލި ހުންނަ މީހުންނެވެ.

ލޮނުގެ ބައި ދަށްވުމުން ތުރުތުރު އެޅުމާއި، އަކުނިވަޔަށް ދެމުމާއި، އަވަސް އަވަހަށް ހަނދާން ނެތޭ ގޮތްވުމާއި، ފަސޭޭހައިން މޫޑު ބަދަލުވުން ފަދަ ކަންކަން ދިމާވެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.