ބުރާސްފަތި 04 ޖޫން 2020
02 މިއަހެލި
1441 ޝައްވާލް 12
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:17
އިޝާ 19:34
ސަންޓޯސް ލަގޫނާގެ ކުޅުންތެރިން ޕޮޒިޓިވްވުން

މެކްސިކޯ ލީގުގެ ސަންޓޯސް ލަގޫނާ އިން 8 ކުޅުންތެރިއަކު ކޮރޯނާވައިރަހަށް ޕޮޒިޓިވް

  • އެ ކުޅުންތެރިންގެ ނަންތައް ހާމަކޮށްފައެއް ނުވޭ
  • އެ ކުޅުންތެރިންގެ ހާލު ރަނގަޅު ކަމަށް ވަނީ ބުނެފައި

ކ. މާލެ | 21 މެއި 2020 | ބުރާސްފަތި 22:40 | 1,812

ސަންޓޯސް ލަގޫނާގެ ކުޅުންތެރިން: 8 ކުޅުންތެރިއަކު ވަނީ ކޮވިޑް-19 ށް ޕޮޒިޓިވް ވެފައި - އޭޕީ

މެކްސިކޯގެ ފުރަތަމަ ޑިވިޝަން ކަމަށްވާ ލީގާ އެމްއެކްސްގައި ވާދަކުރަމުން އަންނަ ސަންޓޯސް ލަގޫނާގެ 8 ކުޅުންތެރިއަކު ކޮރޯނާވައިރަސް (ކޮވިޑް-19) ށް ޕޮޒިޓިވް ވެއްޖެ އެވެ.

މެކްސިކޯ ލީގުން ވަނީ ސަންޓޯސް ލަގޫނާ އިން 8 ކުޅުންތެރިއަކު ކޮވިޑް-19 ށް ޕޮޒިޓިވްވިކަން ހާމަކޮށްފައެވެ. އެ ލީގުން ބުދަ ދުވަހު ނެރުނު ބަޔާނެއްގައި ބުނެފައިވަނީ ސަންޓޯސް ލަގޫނާގެ 8 ކުޅުންތެރިއަކު ވައިރަހަށް ޕޮޒިޓިވްވި ނަމަވެސް، އެ ހުރިހާ ކުޅުންތެރިންގެވެސް ހާލު ރަނގަޅު ކަމަށެވެ. އަދި އެ ކުޅުންތެރިން ޕޮޒިޓިވްވި ނަމަވެސް، އެ ކުޅުންތެރިންގެ ހަށިގަނޑުން ވައިރަހުގެ އަލާމާތެއް ފެނިފައިނުވާ ކަމަށްވެސް ވަނީ ބުނެފައެވެ.

ސަންޓޯސް ލަގޫނާގެ 8 ކުޅުންތެރިއަކު ކޮވިޑް-19 ށް ޕޮޒިޓިވްވިކަން މެކްސިކޯ ލީގުން ހާމަކުރި ނަމަވެސް، އެ ކުޅުންތެރިންގެ ނަންތައް ހާމަކޮށްފައެއް ނުވެއެވެ.

ސަންޓޯސް ލަގޫނާގެ 8 ކުޅުންތެރިއަކު ކޮވިޑް-19 ށް ޕޮޒިޓިވްވުމުން، އެ ކްލަބުގެ ރައީސް ވަނީ މި ސީޒަންގެ މެކްސިކޯ ލީގު ކުރިއަށް ގެންދަން ބޭނުންނުވާ ކަމަށް ބުނެފައެވެ.

ކޮވިޑް-19 އާ ގުޅިގެން މެކްސިކޯ ލީގު މެދުކަނޑާލީ މާޗު މަހުގެ 15 ވަނަ ދުވަހު އެވެ. ޖުލައި މަހު ލީގު އަލުން ފެށުމަށް ކްލަބުތަކުން މަސައްކަތް ކުރަމުން އަންނަ ކަމަށް ރިޕޯޓުތައް ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.