ހޮނިހިރު 30 މެއި 2020
11 ރޯނު
1441 ޝައްވާލް 07
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:16
އިޝާ 19:33
ހަޑްސަން-އޮޑޯއި ފަރިތަކުރުންތަކުގައި ބައިވެރިވުން

ކަފާލާތުގެ ދަށުން މިނިވަންވެ ޗެލްސީގެ ހަޑްސަން-އޮޑޯއި ފަރިތަކުރުންތަކަށް

  • އާދީއްތަ ދުވަހު ހަޑްސަން-އޮޑޯއި ވަނީ ރޭޕް ކުރިކަމުގެ ތުހުމަތުގައި ހައްޔަރު ކޮށްފައި
  • އޭނާ ކަފާލާތުގެ ދަށުން މިނިވަންވީ ޖޫން މަހުގެ މެދާއި ހަމައަށް

ކ. މާލެ | 20 މެއި 2020 | ބުދަ 16:34 | 2,792

އަންގާރަ ދުވަހު ޗެލްސީން ކުރިއަށް ގެންދިޔަ ފަރިތަކުރުންތަކުގައި ޒުވާން ފޯވާޑް ކަލުމް ހަޑްސަން-އޮޑޯއި ބައިވެރިވަނިކޮށް - ގެޓީ އިމޭޖާސް

ރޭޕް ކުރިކަމުގެ ތުހުމަތުގައި އާދީއްތަ ދުވަހު ހައްޔަރު ކުރި ޗެލްސީގެ ޒުވާން ފޯވަރޑް ކަލުމް ހަޑްސަން-އޮޑޯއި ކަފާލާތުގެ ދަށުން މިނިވަންވެ، ޗެލްސީގެ ފަރިތަކުރުންތަކުގައި ބައިވެރިވެއްޖެ އެވެ.

އުމުރުން 19 އަހަރުގެ އިންގްލެންޑުގެ ފޯވަރޑް އާދީއްތަ ދުވަހު ހައްޔަރު ކުރީ އަންހެނަކު ރޭޕް ކުރި ކަމުގެ ތުހުމަތުގައެވެ. ރިޕޯޓުތައް ބުނާ ގޮތުން ހަޑްސަން-އޮޑޯއި ހައްޔަރު ކުރި ގެއިން އަންހެނަކު ވަނީ އެމްބިއުލާންސް ގައި ހޮސްޕިޓަލަށް ގެންގޮސްފަ އެވެ.

އެކަމަކު އާދީއްތަ ދުވަހު ކަފާލާތުގެ ދަށުން ހަޑްސަން-އޮޑޯއި ވަނީ މިނިވަން ވެފައެވެ. އެގޮތުން ޖޫން މަހުގެ މެދާއި ހަމައަށް ހަޑްސަން-އޮޑޯއި މިނިވަންވީ އިރު، ފުލުހުން މިހާރު އަންނަނީ އެ މައްސަލަ ބަލަމުންނެވެ. މިކަމާ ގުޅޭ ގޮތުން ޗެލްސީ އާއި ހަޑްސަން-އޮޑޯއި ވެސް މީޑިއާގައި އަދި އެއްވެސް އެއްޗެއް ބުނެފައެއް ނުވެއެވެ.

ކަފާލާތުގެ ދަށުން މިނިވަންވެ ޗެލްސީގެ ފަރިތަކުރުންތަކުގައި އަންގާރަ ދުވަހު ހަޑްސަން-އޮޑޯއި ބައިވެރިވީ ނޮވެލް ކޮރޯނާވައިރަސް (ކޮވިޑް-19) ށް ޓެސްޓު ހެދުމަށްފަހު ނެގެޓިވް ވުމުންނެވެ. އަންގާރަ ދުވަހުން ފެށިގެން ޕްރިމިއަރ ލީގުގެ ކްލަބުތަކަށް ވަނީ ކުދި ގްރޫޕުތައް ހިމެނޭ ގޮތަށް ފަރިތަކުރަން ހުއްދަ ދީފައެވެ.

މީގެ ކުރިން މަރޗު މަހުގެ 13 ވަނަ ދުވަހު ހަޑްސަން-އޮޑޯއި ވަނީ ކޮވިޑް-19 ށް ޕޮޒިޓިވް ވެފައެވެ. އެކަމަކު މރޗު މަހުގެ ފަހުކޮޅު އޭނާ ވަނީ ވައިރަހުން ރަނގަޅުވެފަ އެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.