އިންޑިއާގެ ޓެމިންނާޑޫގެ ހޮސްޕިޓަލަކުން އޮޅިގެން ކޮވިޑް-19 ޖެހިފައިވާ 4 މީހަކު ދޫކޮށްލައިފިއެވެ.

ވިއްލުޕޫރަމް ޑިސްޓްރިކްޓްގެ މި ހޮސްޕިޓަލާ ހަވާލާދީ އިންޑިއާޓީވީން ބުނީ އެމީހުން ދޫކޮށްލެވުނީ ހެދުނު އިދާރީ ކުށަކުން ކަމަށެވެ.

ޑިސްޓްރިކްޓް ފުލުހުން ބުނީ މީގެ ތެރޭގައި ހިމެނޭ އެއް އާއިލާ އަކަށް ނިސްބަތްވާ 3 މީހުން މިހާރު ހޯދިފައިވާ ކަމަށެވެ.

ފުލުހުންގެ ޚާއްސަ ޓީމަކުން ގެންދަނީ ހަތަރުވަނަ މީހާ ހޯދުމުގެ މަސައްކަތް ކުރަމުންނެވެ.

ވިއްލުޕޫރަމް ޑިސްޓްރިކްޓްގައި ކޮވިޑް-19 ޖެހިފައިވާ 20 މީހުން ތިބި ކަމަށް ރިޕޯޓްތައް ބުނެއެވެ.