މިހާރު ކަރަންޓީން މަރުކަޒުގެ ގޮތުގައި ބޭނުންކުރަނުންދާ ރިސޯޓުތައް ފުރިއްޖެ ހާލަތެއްގައި ސްކޫލް ހޯލުތައްވެސް ބޭނުންކުރާނެކަމަށް ކޮވިޑް-19 ގެ ޓާސްކް ފޯހުގެ ތަރުޖަމާން މަބްރޫކް އަޒީޒު ވިދާޅުވެއްޖެ އެވެ.

ރާއްޖެއިން ބޭރުން އަންނަ ފަތުރުވެރިން ފިޔަވައި ހުރިހާ އެންމެން ސަރުކާރުން ދައްކާ ތަނެއްގައި 14 ދުވަސް ވަންދެން ކަރަންޓީނުވެފައި ތިބެންޖެހޭ ގޮތަށް ހަމަޖައްސާފައިވާއިރު މަބްރޫކް ވިދާޅުވީ މިވަގުތު ގެނެވޭ އެންމެން ކަރަންޓީނު ފެސިލިޓީތަކުގައި ބޭތިއްބޭނެވަރުގެ ކެޕޭސިޓީ އެބަހުރިކަމަށެވެ. އަދި 14 ދުވަސް ހަމަވުމުން ކަރަންޓީނު ފެސިލިޓީތަކުގައި ތިބި މީހުން ދޫކޮށްލަމުން ދާނެކަން ފާހަގަކުރައްވާ މަބްރޫކް ވިދާޅުވީ ޖާގަ ނެތިގެން ރާއްޖޭގައި ތިބި ދިވެހިން ނުގެނެސް ނުތިބޭނެކަމަށެވެ. ކަރަންޓީނުގައި މީހުން ބޭތިއްބޭނެ ބައިވަރު ގޮތްތައް އެބަހުރިކަމަށް މަބްރޫކް ވިދާޅުވި އެވެ.

މިވަގުތު ކަރަންޓީނު ފެސިލިޓީތަކުގައި 833 މީހަކު އެބަތިއްބެވެ. ކޮވިޑް-19 އާ ގުޅިގެން ރާއްޖެ ނާދެވިފައި ތިބި ދިވެހިން، ޚާއްޞަކޮށް ޤައުމީ އެއަރލައިން މޯލްޑިވިއަންގެ ދަތުރުތަކެއް ސްރީލަންކާ އަދި އިންޑިއާގެ ކޮޗިންއަށް ކުރުމަށް ވަނީ ހަމަޖައްސާފަ އެވެ.