އޭޕްރީލް މަހުން ފެށިގެން އިންޓަނެޓްގެ އަގަށް ބަދަލު ގެންނަން ސަރުކާރުން ނިންމައިފިއެވެ.
ހޯމަ ދުވަހުގެ ރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ސަރުކާރުން ޓެލެކޮމް ކުންފުނިތަކާއި އެކު އިންޓަރނެޓުގެ ޚިދުމަތަށް ލުއިތަކެއް ގެނައުމުގެ މަޝްވަރާތައް ކުރެވުނު ކަމަށެވެ. އަދި އެ ކުންފުނިތަކުން ގެންނަން ނިންމި ބަދަލުތައް އެނގިގެންދާނީ އަންނަ މަހުން ފެށިގެން ކަމަށެވެ.
އިންޓަރނެޓުގެ އަގުތަކަށް ގެންނަ ބަދަލުތަކާއި ބެހޭގޮތުން ސަރުކާރާއި ޓެލެކޮމް ކޮމްޕެނީތަކާއި ދައްކަންޖެހޭ ވާހަކަތައް ދައްކާ ނިމިފައި މިވަނީ. އަދި މިއާއި އެކީ ގެންނަ ބަދަލުތައް ފެށޭނީ އަންނަ އޭޕްރިލް 1 ން ކަމަށް އަޅުގަނޑުމެންނަށް މި އެނގޭނީ. މިކަމާއި ގުޅިގެން ޓެލެކޮމް ކުންފުނިތަކުން މާދަމާއާއި އޭގެ އަނެއްދުވަހުގެ ތެރޭގައި އެގެންނަ ބަދަލުތަކަކީ ކޮބައިކަން ހާމަކުރާނެއެންއީއޯސީގެ ތަރުޖަމާނު މަބްރޫކް އަޒީޒް
ކޮވިޑް-19 ގެ ސަބަބުން ގިނަ ވަގުތު ގޭގައި ހޭދަ ކުރަންޖެހުމާއި އެކު އިންޓަރނެޓު ބޭނުންކުރާ މިންވަރު މިވަނީ އިތުރުވެފައެވެ. އަދި އެކަމާއި ގުޅިގެން އިންޓަރނެޓުގެ އަގު ބޮޑުވުމުން އާއްމުންދަނީ ކަންބޮޑުވުން ފާޅުކުރަމުންނެވެ. އެގޮތުން ރައިސް އިބްރާހިމް މުހައްމަދު ސާލިހު ދާދިފަހުން ގައުމާ މުޙާތަބުކުރައްވާ ވިދާޅުވީ އިންޓަރނެޓުގެ ޚިދުމަތަށް ލުއިތަކެއް ހޯއްދަވައިދެއްވާނެ ކަމަށެވެ.
