ހޯމަ 01 ޖޫން 2020
13 ރޯނު
1441 ޝައްވާލް 09
ފަތިސް 04:34
އިރުއަރާ 05:52
މެންދުރު 12:08
އަސްރު 15:30
އިރުއޮއްސޭ 18:16
އިޝާ 19:34
ކޮވިޑް-19

ކޮވިޑް-19: އިތުރު ދިވެއްސަކު ޕޮޒިޓިވްވެއްޖެ

  • ޕޮޒިޓިވްވީ އިނގިރޭސި ވިލާތުން އައި ދިވެއްސެއް
  • އޭނާ ހުރީ ރޯޔަލް އައިލެންޑް ރިސޯޓް ކަރަންޓީންގަ
  • އެޗްޕީއޭއިން ދަނީ އެކަން އިތުރަށް ބަލަމުން

ކ. މާލެ | 29 މާރޗް 2020 | އާދީއްތަ 10:34 | 120,782

ރާއްޖެއެމްވީ ބްރޭކިންގ - ރާއްޖެއެމްވީ

އިނގިރޭސީވިލާތުން ރާއްޖެއައި ދިވެއްސަކު ކޮވިޑް-19 އަށް ޕޮޒިޓިވްވެއްޖެއެވެ.

އެޗްޕީއޭއިން ކުރި ޓްވީޓެއްގައި ބުނެފަައިވަނީ ޔޫކޭއިން އައި ދިވެއްސަކު ކޮވިޑް-19 އަށް ޕޮޒިޓިވްވުމާއި ގުޅިގެން އެކަން ބަލަމުންދާ ކަމަށެވެ. މި މީހާ ހުރީ ރޯޔަލް އައިލެންޑް ރިސޯޓް ކަރަންޓީންގައެވެ.

މިއީ ރާއްޖެއިން ކޮވިޑް-19 އަށް ޕޮޒިޓިވްވި ދެވަނަ ދިވެހި މީހާއެވެ. މީގެ ކުރިން ކޮވިޑް-19 އަށް ޕޮޒިޓިވްވެފައިވަނީ ވެސް އިނގިރޭސި ވިލާތުން އެނބުރި އައި ދިވެއްސެކެވެ. އޭނާ ހުރީ ވެލިދޫ އައިލެންޑް ރިސޯޓުގައެވެ.

މިހާތަނަށް 2 ދިވެހިން މި ބައްޔަށް ޕޮޒިޓިވްވެފައިވާ އިރު، ޔޫއޭއީގައި ހުރި ދިވެއްސެއް ޕޮޒިޓިވްވިކަމަށް އެގައުމުގެ ހެލްތް މިނިސްޓްރީން ހާމަކުރިއެވެ. ނަމަވެސް ދިވެހި ސަރުކާރުން ވަނީ އެކަން ދޮގުކޮށްފައެވެ.

ރާއްޖޭގައި މިހާތަނަށް ކޮވިޑް-19 އަށް 17 މީހަކު ވަނީ ޕޮޒިޓިވްވެފައެވެ. މީގެ ތެރޭގައި ހިމެނެނީ 2 ދިވެހިންނާއި 15 ބިދޭސީންނެވެ. މީގެ ތެރެއިން މިހާތަނަށް 11 މީހަކު ވަނީ ރަނގަޅުވެފައެވެ.

މިހާތަނަށް ރައްޖޭގެ ކަރަންޓީން ފެސިލިޓީތަކުގައި 826 މީހަކު އެބަތިއްބެވެ. އަދި އައިސޮލޭޝަން ފެސިލީޓިގައި 20 މީހަކު އެބަތިއްބެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.