ބުދަ 03 ޖޫން 2020
01 މިއަހެލި
1441 ޝައްވާލް 11
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:16
އިޝާ 19:34
ކޮވިޑް-19

ކޮވިޑް-19: ވައިރަސްގެ ސަބަބުން އަަވަހާރަވި ފުރަތަމަ ޝާހީ ބޭފުޅަކަށް، ސްޕެއިންގެ އަމީރާ ތެރީސާ!

  • އެކަމަނާ އަވަހާރަވިކަން އެކަމަނާގެ ކޮއްކޯފުޅު އިއުލާނު ކުރައްވާފައިވޭ
  • އަވަހާރަވިއިރު އެކަމަނާގެ އުމުރުފުޅުން 86 އަހަރު
  • މިހާތަނަށް 72،000 އަށްވުރެ ގިނަ މީހުން ވައިރަސްއަށް ޕޮޒިޓިވްވެފައިވޭ

ކ. މާލެ | 29 މާރޗް 2020 | އާދީއްތަ 07:06 | 8,693

ސްޕެއިންގެ އަމީރާ (ޕްރިންސަސް) މާރިޔާ ތެރީސާ - ޓްވިޓަރ

ހަލުވިކަމާއެކު ފެތުރެމުންދާ ކޮވިޑް-19 ގެ ސަބަބުން އަވަހާރަވި ފުރަތަމަ ޝާހީ ބޭފުޅަކަށް ސްޕެއިންގެ އަމީރާ (ޕްރިންސަސް) މާރިޔާ ތެރީސާ ވެވަޑައިގެންފިއެވެ.

ޕްރިންސަސް ތެރީސާ އަވަހާރަވެފައިވާކަން އެކަމަނާގެ ކޮއްކޯފުޅު އިއުލާނު ކުރައްވާފައިވާއިރު، އަވަހާރަވީއިރު އެކަމަނާގެ އުމުރުފުޅުން 86 އަހަރުވެފައިވާކަމަށް ރިޕޯޓުތައް ބުނެއެވެ.

ސްޕެއިންގެ ބަރބަން-ޕަރމާ ދަރިކޮޅަށް ނިސްބަތްވެވަޑައިގަންނަވާ ތެރީސާ އުފަންވެ ވަޑައިގަތީ ފްރާންސްގެ ޕެރިސްގައެވެ. އެގޮތުން އެކަމަނާއަކީ ޕްރިންސް ހާވިއަރގެ ދަރިކަނބަލެކެވެ.

ސްޕެއިންގައި ކޮވިޑް-19 ހަލުވިކަމާއެކު ފެތުރެމުންދާއިރު، މިހާތަނަށް 72،000 އަށްވުރެ ގިނަ މީހުން ވައިރަސްއަށް ޕޮޒިޓިވްވެފައިވެއެވެ. އޭގެ އިތުރުން، ސްޕެއިންއަކީ މުޅި ދުނިޔެއިން މި ވައިރަސްގައި އެންމެ ގިނަ އަދަދެއްގެ މީހުން މަރުވި ދެވަނަ ޤައުމެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.