ބުދަ 01 އޭޕުރިލް 2020
07 ރޭވަ
1441 ޝައުބާން 08
ފަތިސް 04:53
އިރުއަރާ 06:04
މެންދުރު 12:14
އަސްރު 15:12
މަޣްރިބް 18:16
އިޝާ 19:28
ސިއްހަތު - ކޮވިޑް-19

ކޯރޯނާވައިރަސް ޖެހިގެން ސައުދީގައި ފުރަތަމަ މަރު

  • ސައުދީގައި ކޮރޯނާވައިރަސް ޖެހިފައިވާ މީހުންގެ އަދަދު 767 ށް

ރާއްޖެ އެމްވީ
raajjemv

ކ. މާލެ 24 މާރޗް 2020 | އަންގާރަ 21:08 6,686

ސައުދީއަރަބިއްޔާގެ ސިއްހަތާބެހޭ ވުޒާރާގެ ތަރުޖަމާނު ނޫސްވެރިންނަށް މައުލޫމާތު ދެއްވަނީ - އެސްޕީއޭ

ސައުދީ އަރަބިއްޔާގައި ކޮރޯނާވައިރަސް ޖެހިގެން މީހަކު މަރުވެއްޖެ ކަމަށް އެ ގައުމުގެ ސިއްހަތާ ބެހޭ ވުޒާރާގެ އޮފިޝަލުން ހާމަކޮށްފިއެވެ.

ސައުދީ އަރބިއްޔާގެ މިނިސްޓްރީ އޮފް ހެލްތުން ބުނީ މަދީނާގައި ބަލީގައި އަންގާރަ ދުވަހު މަރުވި މީހަކީ އަފްޣާން ރައްޔިތެއް ކަމަށެވެ.

ސައުދީ އަރަބިއްޔާގެ ސިއްހަތާ ބެހޭ ވުޒާރާގެ ތަރުޖަމާނު ޑރ.މުޙައްމަދު އަލް އަބްދުލް އަލީ ހާމަ ކުރެއްވި ގޮތުގައި ފާއިތުވެ ދިޔަ 24 ގަޑީއިރުގެ ތެރޭގައި ސައުދީ އަރަބިއްޔާގައި 205 މީހުންނަށް ކޮވިޑް-19 ޖެހިފައިވާ ކަމަށެވެ. މި އަދަދާ އެކު މިހާރު އެ ގައުމުގައި ކޮރޯނާވައިރަސް ޖެހިފައިވާ މީހުންގެ އަދަދަކީ 767 ކަމަށް ވެސް އޭނާ ވިދާޅުވިއެވެ.

ކޮވިޑް-19 އުޅޭ ކަމަށް ރެކޯޑް ކުރެވިފައިވާ ސައުދީގެ ސިޓީތަކުގެ ތެރޭގައި މައްކާ، މަދީނާ، އަދި ވެރިރަށް ރިޔާދް ހިމެނެއެވެ.

ކޮވިޑް-19 ކޮންޓްރޯލް ކުރުމަށް ސައުދީ އަރަބިއްޔާ ގައި ރޭގަނޑު 7:00 ން ހެނދުނު 6:00 ށް ބޭރަށް ނުކުމެ އުޅުން ވަނީ މަނާ ކޮށްފައެވެ.

ސައުދީގެ ސިއްހަތާބެހޭ ވުޒާރާއިން ހާމަކޮށްފައިވާ ގޮތުގައި ބަލި ޖެހުނު މީހުންގެ ތެރެއިން 28 މީހަކު ބަލިން ރަނގަޅު ވެގެން މިހާތަނަށް ވަނީ ދޫކޮށްލާފައެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް