ކޮވިޑް-19 އަށް ޗައިނާގައި ތައްޔާރު ކުރި ވެކްސިން ޓެސްޓް ކުރުމުގެ ގޮތުން އިންސާނުންނަށް ދޭން ފަށައިފިއެވެ.

ކޮވިޑް-19 ދުނިޔެއިން ފުރަތަމަ ފެނުނު ހުބެއި ޕްރޮވިންސްގެ ވުހާންގައި ވައިރަސް އަށް އުފެއްދި ވެކްސިން 108 ވޮލަންޓިއަރަކަށް ފުރަތަމަ ބުރުގައި ދިނުމަށް ހަމަ ޖެހިފައިވާ ކަމަށް ޗައިނާ ޑެއިލީގައި ރިޕޯޓް ކޮށްފައިވެއެވެ.

ވެކްސިންގ ޓެސްޓް ކުރުމަށް ވޮލަންޓިއަރުންގެ ގޮތުގައި ހޮވުނު 108 މީހުން ވުހާން އަށް އައިސްފައިވަނީ އަންގާރަ ދުވަހުއެވެ.

ވެކްސިންދޭ އެންމެންވެސް 14 ދުވަހުގެ މުއްދަތައް ކަރަންޓީން ކުރާގޮތައް ހަމަޖެހިފައިވާ ކަމުގައިވެސް ޗައިނާ ޑެއިލީން ބުނެފައިވެއެވެ.