raajjemv logo
އައިފާއެވޯޑް
މި ފަހަރުގެ އައިފާ އެވޯޑް، ސަލްމާންގެ އުފަން އަވަށުގައި
 
އެވޯޑް ބާއްވާނީ މާޗް މަހު 27 އިން 29 އަށް
އަލީ ސަމާޚް
5,435
ކ. މާލެ |
5 ފެބްރުއަރީ 2020 | ބުދަ 07:13
ޖެކުއަލިން ފެނާންޑޭޒް، މަދްޔަޕްރަދޭޝްގެ ސީއީއޯ އަދި ސަލްމާން ހާން
އިންސްޓަގްރާމް

21 ވަނަ އިންޓަނޭޝަނަލް އިންޑިއަން ފިލްމު އެކަޑެމީ(އައިފާ) އެވޯޑް، ބޮލީވުޑްގެ މަޝްހޫރު ތަރި ސަލްމާން ޚާންގެ އުފަން ޝަހަރު އިންޑޯރްގައި ބާއްވާ ގޮތަށް ހަމަޖެހިއްޖެއެވެ.

އެކަން އިޢުލާންކުރީ އިންޑޯރަށް އުފަން ސަލްމާން ޚާނެވެ. މި އަހަރުގެ އައިފާ އެވޯޑު ބާއްވާނީ މާރޗު މަހުގެ 27 އިން 29 އަށެވެ.

މަދްޔަޕްރަދޭޝްގެ ޗީފް މިނިސްޓަރު ކަމަލްނާތު ވިދާޅުވީ، އޭނާއާ އައިފާއާ ދެމެދު 16 އަހަރުގެ ދެމެދުގައި ޚާއްޞަ ގުޅުމެއް އޮންނަ ކަމަށާއި، ދެވަނަ ފަހަރު އައިފާ ބާއްވަން އެ ސްޓޭޓް ހަމަޖެހިގެން ދިޔުމަކީ ލިބޭ ވަރަށް ބޮޑު އުފަލެއް ކަމަށެވެ.

މީގެ ކުރިން އައިފާ އެވޯޑު ބާއްވާފައިވަނީ ދުނިޔޭގެ މަޝްހޫރު ސިޓީތައް ކަމަށްވާ ނިއުޔޯކް، މެޑްރިޑް، ސިންގަޕޫރުގެ އިތުރުން ބެންކޮކްގައެވެ.

މި ފަހަރުގެ އައިފާ އެވޯޑް ވެގެންދާނީ ސަލްމާން ޚާން ހުށައަޅައިދޭ ފުރަތަމަ ޙަފުލާއަށެވެ. ސަލްމާނާއެކު ޝޯވ ހުށައަޅައިދޭނީ ރިތޭޝް ދޭޝްމުކް އެވެ. އަދި ކެޓްރީނާ އަދި ޖެކުއަލިންގެ ޙަރަކާތްތަކެއްވެސް އެ ޙަފުލާގައި ފެނިގެންދާނެއެވެ.

އެންމެ ފަހުން އަޕްޑޭޓް ކުރީ: 11 ގަޑިއިރު ކުރި
ރިވިއު ކުރީ: ޒިހްނަތު ހަސަން
0%
އަންތަރީސް ވެއްޖެ
100%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް