އަންގާރަ 07 އޭޕުރިލް 2020
13 ރޭވަ
1441 ޝައުބާން 14
ފަތިސް 04:50
އިރުއަރާ 06:02
މެންދުރު 12:12
އަސްރު 15:15
މަޣްރިބް 18:15
އިޝާ 19:27
ރާއްޖެ - އާސަންދަ ޚިދުމަތް

އަމިއްލަ ތަންތަނުން ފޯރުކޮށްދޭ ނަފްސާނީ ބަލީގެ ބައެއް ފަރުވާތަކަށް އާސަންދަ ޚިދުމަތްދޭން ނިންމައިފި

  • ފެބްރުއަރީ މަހުން ފެށިގެން ޚިދުމަތްތައް ލިބޭނެ
  • ސައިކޮލޮޖިސްޓް ކޮންސަލްޓޭޝަން، ސައިކޮލޮޖިކަލް އެސެސްމެންޓް އަދި ތެރަޕީއަށް އާސަންދަ ލިބޭނެ
  • އަމިއްލަ ތަންތަނުން ޚިދުމަތްތަކަށް ކަނޑައެޅިފައިވަނީ އަހަރަކަށް 5000 ރުފިޔާ

އަމްނާ އިމާދު
amnabinthimad

ކ. މާލެ | 30 ޖެނުއަރީ 2020 | ބުރާސްފަތި 18:12 | 2,100

އާސަންދަ - ރާއްޖެ އެމްވީ

އަމިއްލަ ކްލިނިކްތަކާއި ހޮސްޕިޓަލްތަކުން ފޯރުކޮށްދޭ ނަފުސާނީ ބަލީގެ ބައެއް ފަރުވާތަކަށް އާސަންދަ ޚިދުމަތްދޭން ނިންމައިފިއެވެ.

އާސަންދައިން ބުނީ ރައީސުލް ޖުމްހޫރިއްޔާ އިބްރާހީމް މުޙައްމަދު ޞާލިޙުގެ ރިޔާސީ ވަޢުދުތަކުގެ ތެރެއިން، ނަފުސާނީ ބަލިތަކަށް ޚާއްޞަ ކްލިނިކެއް ހުޅުވައި، އާސަންދައިގެ ދަށުން ނަފުސާނީ ބަލިތަކަށް ފަރުވާ ލިބޭނެ އިންތިޒާމު ހަމަޖެއްސުމަށް ވެވަޑައިގެންނެވި ވަޢުދުގެ ދަށުން، 2019 ވަނަ އަހަރުގެ މާރޗް 01 ގައި އައިޖީއެމްއެޗް ސެންޓަރ ފޮރ މެންޓަލް ހެލްތު' ގެ ނަމުގައި މެންޓަލް ހެލްތު ކްލިނިކެއް ހުޅުވާފައިވާ ކަމަށެވެ.

މިވަޢުދުގެ ދަށުން، މިފެށޭ ފެބްރުއަރީ މަހުން ފެށިގެން، އަމިއްލަ ކްލިނިކްތަކާއި ހޮސްޕިޓަލްތަކުން ފޯރުކޮށްދޭ ނަފުސާނީ ބަލީގެ ބައެއް ފަރުވާތައް، އާސަންދަ ސްކީމްގެ ތެރެއިން ލިބޭނެ އިންތިޒާމު ހަމަޖެހިފައިވާ ކަމަށް އާސަންދައިން މަޢުލޫމާތުދެއެވެ.

އެގޮތުން ސައިކޮލޮޖިސްޓް ކޮންސަލްޓޭޝަން، ސައިކޮލޮޖިކަލް އެސެސްމެންޓް އަދި ސައިކޮލޮޖިކަލް ތެރަޕީ އާސަންދަ ސްކީމުން ކަވަރުކުރާނެއެވެ.

އާސަންދައިން ބުނީ ސްކީމްގެ ދަށުން ޕްރައިވެޓް ހޮސްޕިޓަލުތަކާއި ކްލިނިކްތަކަށް މިފަދަ ޚިދުމަތްތަކަށް ކަނޑައެޅިފައިވަނީ އަހަރަކަށް ޖުމުލަ -/5000 (ފަސްހާސް) ދިވެހި ރުފިޔާ ކަމަށެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.