ހޯމަ 17 ފެބުރުއަރީ 2020
ހިޔަވިހާ 4
1441 ޖުމާދުލް އާހިރަތު 23
ފަތިސް 05:06
އިރުއަރާ 06:19
މެންދުރު 12:24
އަސްރު 15:41
މަޣްރިބް 18:22
އިޝާ 19:35
ދުނިޔެ - ޗައިނާ

ނިއު ކޮރޯނާ ވައިރަސްއާއި ގުޅިގެން ޗައިނާއިން 10 ދުވަސް ތެރޭގައި 1000 އެނދުގެ ހޮސްޕިޓަލެއް އަޅަނީ

  • ހޮސްޕިޓަލް އިމާރާތްކުރަމުންދަނީ 25،000 އަކަފޫޓްގެ ބިމެއްގައި
  • ނިއު ކްރޯނާ ވައިރަސްއަށް މިހާތަނަށް 1975 މީހުން ޕޮޒިޓިވްވެ 56 މީހަކު ވަނީ މަރުވެފއި
  • 12 ގައުމަކުން ނިއު ކްރޯނާ ވައިރަސްޖެހިފައި ތިބި މީހުން ފެނިފައިވާކަމަށް ކަމާބެހޭ އިދާރާތަކުން ވަނީ ހާމަކޮށްފައި

ހުސެއިން މަޚްތޫމް
@makhuthoom

ކ. މާލެ 26 ޖެނުއަރީ 2020 | އާދީއްތަ 15:36 3,984

ވޫހާންގައި 1000 މީހުންގެ ހޮސްޕިޓަލެއް އިމާރާތްކުރުމުގެ މަސައްކަތް ކުރިއަށްދަނީ - ފްރާންސް 24

ޗައިނާގެ ހޫބޭ ޕްރޮވިންސްގެ ވޫހާން ސިޓީއާއި އިތުރު 14 އެހެން ސިޓީއެއްގައި ހަލުވިކަމާއެކު ފެތުރެމުންދާ ނިއު ކޮރޯނާ ވައިރަސްއާއި ގުޅިގެން އެ ސިޓީގައި 10 ދުވަސް ތެރޭގައި 1000 މީހުންގެ ހޮސްޕިޓަލެއް އަޅަން ނިންމައިފިއެވެ.

ނިއު ކޮރޯނާ ވައިރަސް އެންމެ ފުރަތަމަ ފެނުނު ވޫހާން ސިޓީގައި މިހާތަނަށް 56 މީހަކު ވަނީ މަރުވެފައެވެ. ޗައިނާއިން ބުނެފައިވަނީ 700 މީހުންނާއި 1000 މީހުންނާ ދެމެދުގެ ބަލިމީހުންނަށް ފަރުވާދެވޭނެ ގޮތަށް އިމާރާތްކުރާ ހޮސްޕިޓަލް ނިމޭނެކަމަށް ލަފާކުރަނީ އަންނަ މަހުގެ 3 ވަނަ ދުވަހުއެވެ.

ހޮސްޕިޓަލް އިމާރާތްކުރުމުގެ މަސައްކަތް ކުރަމުންދާ ސައިޓްގެ މެނޭޖަރު ބުނެފައިވަނީ މަސައްކަތް ހުއްޓުމެއް ނެތި ޝިފްޓްތަކަށް ބަހައިގެން ކުރިއަށް ގެންދާނެ ކަމަށެވެ.

ހޮސްޕިޓަލް އިމާރާތްކުރަމުންދަނީ 25،000 އަކަފޫޓްގެ ބިމެއްގައެވެ. މި ހޮސްޕިޓަލަކީ ނިއު ކޮރޯނާ ވައިރަސްއާ ދެކޮޅަށް މަސައްކަތް ކުރުމާއި، ވައިރަސްއަށް ޕޮޒިޓިވްވާ މީހުންނަށް ގާތުން ފަރުވާދެވޭނެ އިންތިޒާމު ހަމަޖެހިގެންދާނެ ކަމަށް ޗައިނާގެ ކަމާބެހޭ ފަރާތްތަކުން ވަނީ ބުނެފައެވެ.

މި ބަލީގައި ޗައިނާއިން 56 މީހަކު މަރުވެފައިވާ އިރު، މިހާތަނަށް 1975 މީހަކު ވަނީ މި ވައިރަސްއަށް ޕޮޒިޓިވްވެފައެވެ. މިހާތަނަށް ވައިރަސް ޖެހިފައި ތިބި މީހުން ފެނިފައިވާ ޤައުމުތަކުގެ ތެރޭގައި އޮސްޓްރޭލިއާ، ޗައިނާ، ފްރާންސް، ޖަޕާން، މެލޭޝިއާ، ސިންގަޕޫރު، ނޭޕާލް، ސައުތުކޮރެއާ، ޓައިވާން، ތައިލެންޑް، އެމެރިކާ އަދި ވިއެޓްނާމް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް