ހޯމަ 17 ފެބުރުއަރީ 2020
ހިޔަވިހާ 4
1441 ޖުމާދުލް އާހިރަތު 23
ފަތިސް 05:06
އިރުއަރާ 06:19
މެންދުރު 12:24
އަސްރު 15:41
މަޣްރިބް 18:22
އިޝާ 19:35
ކުޅިވަރު - ގައުމީ 59 ވަނަ ޓޭބަލް ޓެނިސް މުބާރާތް

ރަފާ ބަލިކޮށް ދީމާ ގައުމީ ޗެމްޕިއަންކަން ދިފާއުކޮށްފި

  • ފައިނަލް ދީމާ ކާމިޔާބުކުރީ ސީދާ ހަތަރު ސެޓުން ރަފާ ބަލިކޮށްގެން
  • ފިރިހެން ސިންގަލްސް ކާމިޔާބުކުރީ މޫސާ މުންސިފް އަހުމަދު

އަތޫފް އާތިފް
AthifAthoof

ކ. މާލެ 25 ޖެނުއަރީ 2020 | ހޮނިހިރު 20:51 2,640

ފާތިމަތު ދީމާ އަލީ - ޓްވިޓަރ

56 ވަނަ ގައުމީ ޓޭބަލް ޓެނިސް މުބާރާތުގެ އަންހެން ސިންގަލްސް ފައިނަލުގައި އައިޝަތު ރަފާ ނާޒިމް އަދި ފާތިމަތު ދީމާ އަލީ ބައްދަލުކުރި މެޗު ދީމާ ފަސޭހަކަމާއެކު ކާމިޔާބުކޮށް، ގައުމީ ޗެމްޕިއަންކަން ދިފާއުކޮށްފިއެވެ.

ޒުވާނުންގެ މަރުކަޒު އެތެރޭ ކުޅުނު ފައިނަލް މެޗު ދީމާ ކާމިޔާބުކުރީ ސީދާ ހަތަރު ސެޓުން ރަފާ ބަލިކޮށްގެންނެވެ.

މެޗުގެ ސެޓުތައް ދީމާ ގެންދިޔައީ 11-07، 11-7، 11-09 އަދި 11-06 އިންނެވެ.

މި މުބާރާތުގެ ފައިނަލުގެ ފިރިހެން ސިންގަލްސް ބައިގަ ބައްދަލުކުރީ މުހައްމަދު ޝައްފާން އިސްމާއިލް އަދި މޫސާ މުންސިފް އަހްމަދެވެ. ފޯރިގަދަ ކުޅުމެއް ފެނިގެންދިޔަ މި މެޗު މުންސިފް ކާމިޔާބުކުރީ ހަތަރު ސެޓު އެއް ސެޓުންނެވެ. މެޗުގެ ސެޓުތައް މުންސިފް ގެންދިޔައީ 12-14، 10-12، 11-08، 09-11 އަދި 05-11 އިންނެވެ.

މި މުބާރާތުގެ 12 އަހަރުން ދަށުގެ އަންހެން ސިންގަލްސް ފައިނަލް މެޗު މިޝްކާ މުހައްމަދު އިބްރާހީމް އަދި މަލާކް ބިންތި މުއިއްޒު ބައްދަލުކުރި މެޗު ތިން ސެޓު ދެ ސެޓުން ކާމިޔާބުކޮށްފައި ވަނީ މިޝްކާއެވެ. 12 އަހަރުން ދަށުގެ ފިރިހެން ފައިނަލްގައި ޒީކް ހަސަން ލަތީފް އަދި ހުސެއިން އާދް ބައްދަލުކުރި މެޗު ސީދާ ތިން ސެޓުން ކާމިޔާބުކޮށްފައި ވަނީ ޒީކް އެވެ.

16 އަހަރުން ދަށުގެ އަންހެން ފައިނަލްގައި ފާތިމަތު ދީމާ އަލީ އަދި އައިޝަތު ރަފާ ނާޒިމް ބައްދަލުކުރި މެޗު ތިން ސެޓު ދެ ސެޓުން ކާމިޔާބުކޮށްފައި ވަނީ ރަފާ އެވެ.

ފުރަތަމަ ޑިވިޝަން އަންހެން ޑަބަލްސް ފާތިމަތު ދީމާ އަލީ އަދި ފާތިމަތު ޖުމާނާ ބަލިކޮށް ޗެމްޕިއަންކަން ހޯދީ އައިޝަތު ރަފާ ނާޒިމް އަދި ލައިސާ ފަތުހުﷲ ގެ ޕެއަރ އެވެ.

މި އަހަރުގެ ގައުމީ މުބާރާތުގައި 12 އަހަރުން ދަށުގެ އުމުރުފުރާގެ އަންހެން އަދި ފިރިހެން، 16 އަހަރުން ދަށުގެ އަންހެން، ފިރިހެން އަދި ފުރަތަމަ ޑިވިޝަނުގެ އަންހެން އަދި ފިރިހެން ކުޅުންތެރިން ކުޅުމަށް ހަމަޖެހިފައިވާއިރު މި މުބާރާތުގައި ވެޓެރެންސް ޑިވިޝަނުގައި ފިރިހެން ކުޅުންތެރިން ކުޅޭނެއެވެ. އަދި މީގެ އިތުރުން ޓީމު އިވެންޓްގައި ވެސް ކުޅުންތެރިން ވާދަކުރާނެއެވެ. މި މުބާރާތުގައި 15 އަންހެން ކުޅުންތެރިން ބައިވެރިވެފައިވާއިރު ފިރިހެން 32 ކުޅުންތެރިން ވަނީ ބައިވެރިވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް