އެޗްއެސްސީ ޔޫރޯއިން ރާއްޖެއަށް އެތެރެކޮށް މާކެޓްކުރާ ބަރ2000 ކޮފީ ހިލޭ ބޯން ލިބޭ ޕްރޮމޯޝަނެއް ފަށައިފިއެވެ.

މި ޕްރޮމޯޝަން ބޭއްވުމަށް ހަމަޖެހިފައިވަނީ ކްލަބް 360 ކެފޭގައެވެ. އެގޮތުން މި ޑިސެމްބަރު މަހުގެ 9ވަނަ ދުވަހުން ފެށިގެން 16ވަނަ ދުވަހާ ހަމައަށް، ކޮންމެ ދުވަހެއްގެ ހަވީރު 16:00 ފެށިގެން 18:00 މި ކޮފީގެ ރަހަ ބަލާލުމުގެ ފުރުސަތު ވަނީ ހުޅުވާލެވިފައެވެ. އަދި މި ޕްރޮމޯޝަންގައި ބައިވެރިވުމުގެ ފުރުސަތު އެންމެހާ ފަރާތްތަކަށް ހުޅުވާލެވިފައިވާ ކަމަށް އެޗްއެސްސީ ޔޫރޯއިން ވަނީ މައުލޫމާތު ދީފައެވެ.

ސްލޮވީނިއާގެ އުފެއްދުމެއް ކަމުގައިވާ ބަރ2000 ކޮފީ ރާއްޖެއަށް ތައާރަފްކޮށްފައިވަނީ، މި އަހަރުގެ އޮގަސްޓް މަހުގައެވެ. ކޮފީއަށް ލޯބިކުރާ ފަރާތްތަކަށް އަމާޒުކޮށްގެން އެޗްއެސްސީއިން ރާއްޖެއަށް އެތެރެ ކުރާ ބަރ2000 ކޮފީއަކީ ރަހަ މީރު ކޮފީއެކެވެ. މި ކޮފީގެ ފަސް ފްލޭވަރއެއް ރާއްޖެއިން ލިބެން ހުންނައިރު، އޭގެ ތެރޭގައި ހިމެނެނީ އެކްސްޓްރާ، ސުޕްރީމް، ތަރަބޭ، ޕްރޮފޯމޮޓޯ އަދި ސުޕްރީމްއެވެ.