އާދީއްތަ 29 މާރޗް 2020
04 ރޭވަ
1441 ޝައުބާން 05
ފަތިސް 04:54
އިރުއަރާ 06:05
މެންދުރު 12:15
އަސްރު 15:14
މަޣްރިބް 18:17
އިޝާ 19:28
ވިޔަފާރި - ޓްރެވަލް އެވޯޑްސް

ޓްރެވަލް އެވޯޑްސް މި މަހުގެ 19 ވަނަ ދުވަހު ކްރޮސްރޯޑްސް މޯލްޑިވްސްގައި!

  • މަޓާޓޯ ޓްރެވަލް އެވޯޑްސްގައި 25 ދާއިރާއަކުން ވޯޓު ދޭން ނިންމާފައިވޭ
  • ރިސޯޓުތަކަށާއި ފަތުރުވެރިކަމުގެ ސިނާއަތާއި ގުޅުންހުރި 236 ފަރާތަކުން ވާދަކުރާ ކަމަށް މަޓާޓޯއިން ބުނޭ
  • މިއީ މަޓާޓޯ އިން 2012 ވަނަ އަހަރުން ފެށިގެން ބާއްވަމުން އަންނަ އެވޯޑެއް

ސިމާހާ ނަސީމް
sim_kamana

ކ. މާލެ 7 ޑިސެންބަރު 2019 | ހޮނިހިރު 08:12 3,636

މަޓާޓޯ ޓްރެވަލް އެވޯޑްސް 2018ގެ ހަފުލާ ތެރެއިން - ޓްވިޓަރ/އޫރިދޫމޯލްޑިވްސް

މޯލްޑިވްސް އެސޯސިއޭޝަން އޮފް ޓްރެވަލް އޭޖެންސީސް އެންޑް ޓުއަރ އޮޕަރޭޓަރސް (މަޓާޓޯ) މޯލްޑިވްސް ޓްރެވަލް އެވޯޑުގެ ގާލާ މިމަހުގެ 19 ވަނަ ދުވަހު ކްރޮސްރޯޑްސް މޯލްޑިވްސްގައި ބޭއްވުމަށް ނިންމައިފިއެވެ.

މަޓާޓޯ ޓްރެވަލް އެވޯޑްސް 2019 ގެ ކެޓަގަރީތަކަށް ގިނަ ޢަދަދަކަށް ކުރިމަތިލާފައިވާ ކަމަށާއި އެވޯޑު ދޭނީ ޖަޖުންގެ މާރކްސް އާއި އޮންލައިން އަދި އެސްއެމްއެސް ވޯޓުން އެންމެ ގިނަ މާރކްސް ލިބޭ ފަރާތްތަކަމަށް މަޓާޓޯ އިން ބުނެއެވެ.

މަޓާޓޯ ޓްރެވަލް އެވޯޑްސްގައި 25 ދާއިރާއަކުން ވޯޓު ދޭން ނިންމާފައިވާއިރު ރިސޯޓުތަކަށާއި ފަތުރުވެރިކަމުގެ ސިނާޢަތާއި ގުޅުންހުރި 236 ފަރާތަކުން ވާދަކުރާ ކަމަށް މަޓާޓޯއިން ބުނެއެވެ.

މަޓާޓޯ މޯލްޑިވްސް ޓްރެވަލް އެވޯޑްސްގެ ގާލާ އެޑިޝަނަކީ ހޮޓެލްތަކާއި، ރިސޯޓުތަކާއި، ޓްރެވަލް މަރުކާތަކުގެ އިތުރުން އެއަރލައިނުތަކާއި ލިވްއަބޯޑުތަކަށް ޚާއްޞަ އެޑިޝަނެވެ.

މިދިޔަ އަހަރު މޯލްޑިވްސް ޓްރެވަލް އެވޯޑްސްގެ ގާލާ އެޑިޝަން ބާއްވާފައިވަނީ ޕެރެޑައިސް އައިލެންޑް ރިސޯޓުގައެވެ. މަޓާޓޯ އިން ވަނީ މިދިޔަ އަހަރު ރާއްޖޭގެ ފަތުރުވެރިކަމުގެ ދާއިރާގައި މަސައްކަތް ކުރާ ހަތަރު ފަރާތަކަށް، އެ މީހުންގެ މަސައްކަތުގެ އަގު ވަޒަން ކުރުމުގެ ގޮތުން ޕީޕަލްސް އެޑިޝަން އެވޯޑު ދީފައެވެ. މި އެވޯޑު ލިބިފައިވަނީ އަލީ އަހުމަދު (ވިސްތާ އަލީ)، އިސްމާއިލް ހަމީދު (ހައިރައިޒް އިއްސެ)، ހުސައިން ވަހީދުގެ އިތުރުން މާކް ހެއިރްއަށެވެ.

މިއީ މަޓާޓޯ އިން 2012 ވަނަ އަހަރުން ފެށިގެން ބާއްވަމުން އަންނަ އެވޯޑެކެވެ.

އެންމެ ފަހުން އަޕްޑޭޓް ކުރީ: 1 ދުވަަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް