އަންގާރަ 10 ޑިސެންބަރު 2019
01 މުލަ
1441 ރަބީޢުލްއާޚިރު 13
ފަތިސް 04:43
އިރުއަރާ 06:00
މެންދުރު 12:03
އަސްރު 15:23
މަޣްރިބް 17:57
އިޝާ 19:14
ރާއްޖެ - ޕޮލިސް

ބަނގުރާ ކައްކަން ތިއްބާ މާލޭގެ ގެއެއް ރޯވެއްޖެ

  • ބަނގުރާ ކައްކަން ތިބީ އެގޭގެ ފާހާނާގައި

ހުސެއިން މަޚްތޫމް
@makhuthoom

ކ. މާލެ 22 ނޮވެންބަރު 2019 | ހުކުރު 15:56 8,289

ބަނގުރާ ކައްކަން ބޭނުން ކުުރި ސާމާނު - އެމްއެންޑީއެފް

މާލޭގެ ގެއަކުން ދުންއަރާތީ ގޮސް ބެލި އިރު، އެގޭގައި ރޯވީ ބަނގުރާ ކައްކަން އުޅުމުގެ ތެރޭގައި ކަމަށް ފުލުހުން ބުނެފިއެވެ.

ފުލުހުން ބުނީ މައްޗަން ގޮޅި ގެއަކުން ދުން އަރާކަމަށް މިއަދު ހެނދުނު 9:45 ހާއިރު ފުލުހުންނަށް މައުލޫމާތު ލިބިފައިވާ ކަމަށެވެ. އަދި އެ ގެއަކީ ބިދޭސީން ދިރިއުޅޭ ގެއެއް ކަމަށާއި ހާދިސާ ހިނގާފައިވަނީ ބިދޭސީން ބަނގުރާ ކަންކަން އުޅުމުގެ ތެރޭގައި ކަމަށް މިހާތަނަށް ބެލިބެލުމުން އެނގޭ ކަމަށް ފުލުހުން ބުނެއެވެ.

އެމީހުން ބަނގުރާ ކައްކަން ތިބީ އެގޭގެ ފާހާނާގައިކަމަށް މިހާތަނަށް ލިބިފައި ހުރި މައުލޫމާތުން އެނގެއެވެ.

ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.

ފަހަކަށް އައިސް ބިދޭސީން ބަނގުރާ ކައްކާ އަދި އޭގެ ވިޔަފާރި ކުރާ މައްސަލަތައް ފެންމެތިވެއެވެ. މީގެ ދެ ދުވަސްކުރިން ވެސް ހުޅުމާލޭ ގެސްޓް ހައުސްއެއްގައި ބަނގުރާ ބޮއެ ޕާޓީ ކުރަނިކޮށް 12 ދިވެއްސަކު ވަނީ ހައްޔަރުކޮށްފައެވެ.

މީގެއިތުރުން ވެސް ފުލުހުން ވަނީ އެކި މައްސަލަތަކުގައި އަތުލައިގަނެވުނު ގިނަ އަދަދެއްގެ ބަނގުރާ ނައްތާލާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް