ހުކުރު 10 ޖުލައި 2020
10 ފުނޯސް
1441 ޒުލްގައިދާ 19
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:24
އިޝާ 19:41
އެމްޓީސީސީ

ސ. މަރަދޫ ބަނދަރުގެ ބޭރު ތޮށިލުމުގެ މަޝްރޫއު އެމްޓީސީސީން ފަށައިފި

  • މި މަޝްރޫއުގެ އަގަކީ 28،247،365 ރުފިޔާ
  • އައްޑޫސިޓީގެ 7 މަޝްރޫއެއްގެ މަސައްކަތް އެމްޓީސީސީ އިން މިހާރު ކުރިއަށް ގެންދޭ
  • މި ހުރިހާ މަޝްރޫއެއްގެ އަގު 328 މިލިއަން ރުފިޔާ އަށް އަރާ

ކ. މާލެ | 18 ނޮވެންބަރ 2019 | ހޯމަ 23:40 | 3,175

މި މަޝްރޫއު އެމްޓީސީސީގެ ސީއީއޯ ހަސަން ޝާހު އިފްތިތާހުކޮށްދެއްވަނީ - އެމްޓީސީސީ

އައްޑޫސިޓީ ސ. މަރަދޫ ބަނދަރުގެ ބޭރު ތޮށިލުމުގެ މަޝްރޫޢު ގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ފަށައިފިއެވެ.

މި މަޝްރޫއޫ އިފްތިތާޙުކޮށްފައިވަނީ ނޮވެމްބަރު މަހުގެ 16 ވަނަ ދުވަހު ސ. މަރަދޫގައި ބޭއްވި ރަސްމިއްޔާތެއްގައި އެ ކުންފުނީގެ ސީއީއޯ ހަސަން ޝާހެވެ. މި މަޝްރޫޢުގެ އެއްބަސްވުމުގައި އެމްޓީސީސީގެ ފަރާތުން މިއަހަރުގެ ޖޫން މަހުގެ 30 ވަނަ ދުވަހު ސޮއިކޮށްފައިވާއިރު، މި މަޝްރޫޢުގެ އަގަކީ 28،247،365 (އަށާވީސް މިލިއަން ދެލައްކަ ސާޅީސް ހަތް ހާސް ތިންސަތޭކަ ފަސްދޮޅަސް ފަސް) ރުފިޔާއެވެ.

އެމްޓީސީސީން ބުނީ މި މަޝްރޫއުގެ ދަށުން ބޭރު ތޮށީގެ ބަނދަރު ފަޅީގައި 276 މީޓަރަށް އެލް ބްލޮކް ޖައްސާ، މޫދާވީ ފަރާތަށް 340 މީޓަރަށް ބޮޑު ހިލަ ޖަހާނެ ކަމަށާއި، އެއްގަމު ތޮށިން ބޭރު ތޮއްޓަށް އެރުމަށް 140 މީޓަރުގެ ފާލަމެއް އެޅުމަށް ނިންމާފައިވާ ކަމަށެވެ. އަދި ބޭރު ތޮށީގައި ގާ އެތުރުމާއެކު ބަނދަރު ބައްތި ޖަހާނެ ކަމަށް ވެސް އެމްޓީސީސީން ބުންޏެވެ.

އެމްޓީސީސީން މިހާރުވެސް އައްޑޫސިޓީގައި 7 މަޝްރޫއެއް ފަށައިގެން ކުރިޔަށް އެބަގެންދެއެވެ. އޭގެތެރޭގައި، ބަނދަރު ހެދުމުގެ 03 މަޝްރޫޢާއި، މަގު ހެދުމުގެ މަޝްރޫޢަކާއި، ފުޓްބޯޅަ ދަނޑުގެ ސަބް ބޭސް ހެދުމުގެ ދެ މަޝްރޫއެއްގެ އިތުރުން ސުވަރޭޖް ފެސިލިޓީ ޤާއިމުކުރުމުގެ އެއް މަޝްރޫޢު ހިމެނެއެވެ. މި ހުރިހައި މަޝްރޫޢެއްގެ އަގު 328 މިލިއަން ރުފިޔާ އަށް އަރާކަމަށް އެމްޓީސީސީން ބުނެއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.