ނިކް ޖޫނިއަރ އަދި ނިކަލޯޑިއަންގެ އޮރިޖިނަލް މާޗަންޑައިޒް މީޑިއާނެޓުގެ ފުރަންޓް އޮފީސް، މ. ހުދުއަސުރުމާގެއިން ބުރާސްފަތި ދުވަހުން ފެށިގެން ލިބެން އެބަހުރި ކަމަށް މީޑިއާނެޓުން ބުނެފިއެވެ.

މީޑިއާނެޓުން ބުނީ ކުޑަކުދިންގެ މެދުގައި މަޤުބޫލު ބައެއް ކާޓޫންތައް ކަމަށްވާ ޕައު ފެޓްރޯލް، ޝިމަރ އެންޑް ޝައިންގެ ލަންޗް ބޮކްސް، ލަންޗް ބޭޖް، ބެކްޕެކް، ޕެންސިލް ފައުޗްގެ އިތުރުން ފެން ފުޅުތައް ލިބެން ހުންނާނެ ކަމަށެވެ.

މީޑިއާނެޓްގެ އަމާޒަކީ ކަސްޓަމަރުންނަށް އެންމެ ކަމުދާ ޝޯތަކުގެ އޮރިޖިނަލް މާޗަންޑައިޒް ފޯރުކޮށްދިނުން ކަމަށް އެ ކުންފުނިން ބުނެއެވެ.

މީޑިއާނެޓުން ވަނީ ދާދި ފަހުން ކޮންމެ ހަފުތާއަކު އައިފޯން 11އެއް ލިބޭގޮތަށް ބޮޑު ޗުއްޓީ ޕްރޮމޯޝަން ފަށާފައެވެ. މި ޕްރޮމޯޝަން އޮކްޓޯބަރު މަހުގެ 8 ވަނަ ދުވަހު ފަށާފައިވާއިރު ޕްރޮމޯޝަން ކުރިއަށްދާނީ މިއަހަރުގެ ޑިސެމްބަރު މަހުގެ 31 ވަނަ ދުވަހުގެ ނިޔަލަށެވެ.