ހޯމަ 01 ޖޫން 2020
13 ރޯނު
1441 ޝައްވާލް 09
ފަތިސް 04:34
އިރުއަރާ 05:52
މެންދުރު 12:08
އަސްރު 15:30
އިރުއޮއްސޭ 18:16
އިޝާ 19:34
ޕެޑްރޯ ރޮޑްރިގޭޒް

ޖެނުއަރީ ޓްރާންސްފާގައި ޕެޑްރޯ ޗެލްސީ ދޫކޮށްލަނީ

  • ޕެޑްރޯ ބަދަލުވުން ގާތީ ޗައިނާގެ ކްލަބަކަށް

ކ. މާލެ | 7 ނޮވެންބަރ 2019 | ބުރާސްފަތި 18:36 | 3,892

ޕެޑްރޯ ރޮޑްރިގޭޒް - ގެޓީ އިމޭޖާސް

ކުރިޔަށް އޮތް ޖެނުއަރީ ޓްރާންސްފާގައި ޗެލްސީއަށް ކުޅެމުން އަންނަ ސްޕެއިންގެ މިޑްފިލްޑަރ ޕެޑްރޯ ރޮޑްރިގޭޒް އެ ކްލަބް ދޫކޮށްލަން އުޅޭ ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާގޮތުން ޖެނުއަރީ ޓްރާންސްފާއަށް އަމާޒުކޮށް ޕެޑްރޯ ހޯދުމަށް ޗައިނާގެ ކްލަބްތަކުގެ އިތުރުން ތުރުކީގެ ފެނަބާޗޭއިންވެސް މަސައްކަތް ކުރަމުން އަންނަ ކަމަށެވެ.

އެގޮތުން ރިޕޯޓްތައް ބުނާގޮތުން ޖެނުއަރީ ޓްރާންސްފާގައި އެންމެ ރަނގަޅު ހުށަހެޅުމެއް ލިބޭ ކްލަބަކަށް ޕެޑްރޯ ބަދަލުވާނެއެވެ. އަދި އޭނާ ބަދަލުވާނީ ޗައިނާގެ ކްލަބަކަށް ކަމަށް ރިޕޯޓްތައް ބުނެއެވެ.

ޕެޑްރޯ ޗެލްސީއަށް ބަދަލުވީ 2015 ވަނަ އަހަރުގެ ސީޒަނުގައެވެ. އޭނާ ވަނީ އެ ކްލަބަށް މިހާތަނަށް ކުޅުނު 191 މެޗުގައި 42 ލަނޑު ކާމިޔާބުކޮށްފައެވެ.

އުމުރުން 32 އަހަރުގެ ޕެޑްރޯ ވަނީ ޗެލްސީއާއެކު ޕްރިމިއާ ލީގު، އެފްއޭ ކަޕް އަދި ޔޫރޮޕާ ލީގުވެސް ކާމިޔާބުކޮށްފައެވެ.

ބާސާއަށް ކުޅުނު 321 މެޗުގައި 99 ލަނޑު ކާމިޔާބުކޮށްފައިވާ ޕެޑްރޯ ވަނީ އެޓީމާއެކު ފަސް ލީގު ތަށި، ހަތަރު ކޮޕަޑެލްރޭ، ހަތަރު ސްޕެނިޝް ސުޕަކަޕް، ތިން ޔުއެފާ ޗެމްޕިއަސް ލީގު، ތިން ޔުއެފާ ސުޕަކަޕް އަދި ދެ ފީފާ ކްލަބް ވޯލްޑް ކަޕް ކާމިޔާބުކޮށްފައެވެ.

ސްޕެއިން ގައުމީ ޓިމާއެކު 2010 ވަނަ އަހަރުގެ ވޯލްޑް ކަޕް އަދި 2012 ވަނަ އަހަރުގެ ޔޫރޯ ކާމިޔާބުކޮށްފައިވާ ޕެޑްރޯ ވަނީ ގައުމީ ޓީމަށް ކުޅުނު 65 މެޗުގައި 17 ލަނޑު ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.