ހުކުރު 15 ނޮވެންބަރު 2019
02 ނޮރަ
1441 ރަބީއުލް އައްވަލް 18
ފަތިސް 04:36
އިރުއަރާ 05:51
މެންދުރު 11:55
އަސްރު 15:14
މަޣްރިބް 17:50
އިޝާ 19:05
ރާއްޖެ - މަޖިލިސް 2019

ރަށްރަށުގެ ސަރަހައްދު ކަނޑައެޅުމާއި ރަށްރަށުގެ މުއްސަނދިކަން އެރަށަކަށް ލިބިދިނުމަށް ގޮވާލާ ގަރާރު ބަލައިގަނެ، ކޮމެޓީއަށް!

  • މި ގަރާރު މަޖިލީހުން ބަލައިގަތީ 64 މެމްބަރުންގެ ވޯޓައިއެކު
  • ގަރާރު ހުށައަޅާފައިވަނީ ލާމަޒުކަޒީ ބިލުގެ މަގުސަދުތައް ހާސިލްކޮށްފައިވަނީ

އުމްނާ އިސްމާއިލް
UmnaIsmail

ކ. މާލެ 15 އޮކްޓޯބަރ 2019 | އަންގާރަ 18:06 2,361

ހުޅުމާލެ ދާއިރާގެ މެންބަރު ޢަލީ ނިޔާޒް - މަޖިލިސް

ރަށްރަށުގެ ސަރަހައްދު ކަނޑައެޅުމާއި ރަށްރަށުގެ މުއްސަނދިކަން އެރަށަކަށް ލިބިދިނުމަށް ގޮވާލާ ގަރާރު ރައްޔިތުންގެ މަޖިލީހުން ބަލައިގަނެ، ލާމަރުކަޒީ ކޮމެޓީއަށް ދިރާސާ ކުރުމަށް ފޮނުވައިފިއެވެ.

ހުޅުމާލެ ދާއިރާގެ މެންބަރު ޢަލީ ނިޔާޒް ހުށަހަޅުއްވާފައިވާ މި ގަރާރު މަޖިލީހުން ބަލައިގަތީ 64 މެމްބަރުންގެ ވޯޓައިއެކުއެވެ.

މި ގަރާރު ހުށަހަޅާފައިވަނީ ދިވެހި ރާއްޖޭގެ އިދާރީ ދާއިރާތަށް ލާމަރުކަޒީ އުސޫލުން ހިންގުމުގެ ގާނޫނަށް އަމަލުކުރަން ފެށިފަހުން 8 އަހަރު ފާއިތުވެގެން ގޮސްފައިވާއިރު, އެ ގާނޫނުގެ މަގްސަދުތައް ހާސިލްވަމުން ނުދާތީއާއި އެ ގާނޫނުގެ ސަބަބުތައް ހޯދައި ދެނެގަތުމުގެ ބޭނުމުގައެވެ.

އަދި އެ ގާނޫނުގެ ފުރިހަމަ ފައިދާ ރައްޔިތުންނަށް ލިބެންޖެހޭ ފުރިހަމަ ފައިދާ ރައްޔިތުންނަށް ލިއްބައިދެވޭނެ އުސޫލަކުން އެ ގާނޫނު ތަންފީޒު ކުރުމަށް އެޅިފައިވާ ހުރަސްތައް ނައްތާލަުންވެސް މި ގަރާރު ހުށަހެޅުނު ބޭނުން ތަކުގެތެރޭގައި ހިމެނެއެވެ.

މި ގަރާރަކީ ކައުންސިލްތައް ބާރުވެރިކުރުމުގެ ގޮތުން، އެ ގާނޫނަށް ގެނެވޭ އިސްލާހުތަކުގެ ޒަރީއާއިން ރަށްރަށުގެ ސަރަހައްދާއި ކައުންސިލްތަކުގެ އިހްތިސާސް ކަނޑައެޅުމާއި އެކު ރަށްރަށުގެ ގުދުރަތީ މުއްސަނދިކަމާއި އުމްރާނީ ތަރައްގީގެ ވަސީލަތްތައް އެ ރަށަކަށް ލިބިދިނުމަށް ގޮވާލުމަށް ހުށެހެޅުނު ގަރާރެކެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް