ބުދަ 16 އޮކްޓޯބަރ 2019
13 ހިތަ
1441 ސަފަރު 17
ފަތިސް 04:38
އިރުއަރާ 05:49
މެންދުރު 11:56
އަސްރު 15:10
މަޣްރިބް 17:54
އިޝާ 19:06
ކުޅިވަރު - ސާފު ޗެމްޕިއަންޝިޕް

ސާފް ޗެމްޕިއަންޝިޕަށް ޒުވާން ޓީމު ނޭޕާލަށް

  • މި މުބާރާތުގައި ވާދަ ކުރުމުގެ ކުރިން ގައުމީ ޓީމު ވަނީ ގަތަރުގައި ކޭމްޕް ކޮށްފަ

އަތޫފް އާތިފް
AthifAthoof

ކ. މާލެ 17 ސެޕްޓެންބަރ 2019 | އަންގާރަ 19:11 1,800

ޒުވާން ގައުމީ ޓީމު - އެފްއޭއެމް

ގަތަރު ކޭމްޕު ނިންމާލުމަށްފަހު 18 އަހަރުން ދަށުގެ ސާފު ޗެމްޕިއަންޝިޕަށް ރާއްޖޭގެ ޒުވާން ގައުމީ ޓީމު ނޭޕާލަށް ހިނގައްޖެއެވެ.

މި މަހު 20 އިން 29 އަށް ނޭޕާލުގެ ވެރިރަށް ކަތަމަންޑޫގައި ކުރިޔަށްދާ މި މުބާރާތަށް ތައްޔާރުވުމުގެ ގޮތުން ގަތަރުގައި 7 ދުވަސް ވަންދެން ދިވެހިރާއްޖޭގެ ޒުވާން ޓީމު ކޭމްޕުކޮށްފައިވެއެވެ.

މުބާރާތައް ފުރުމުގެ ކުރިން ކޯޗު ޝާޒްލީ ބުނީ މިހާހިސާބަށް ރާއްޖޭގެ ޒުވާން ގައުމީ ޓީމު މި މުބާރާތުގެ ގްރޫޕް ސްޓޭޖް ފަހަނައަޅައި ގޮސްފައި ނުވާ ކަމަށާއި، އެހެން ކަމުން މިފަހަރުގެ އަމާޒަކީ ގްރޫޕް ސްޓޭޖް ފަހަނައަޅައި ދިޔުން ކަމަށެވެ. އަދި މި މުބާރާތަށް ތައްޔާރުވާން ގިނަ ދުވަސް ލިބުނު ކަމަށާއި މިވަގުތު މި އޮތް ޓީމަކީ މުބާރާތުގައި ރަނގަޅު ނަތީޖާއެއް ނެރެވޭނެ ޓީމެއް ކަމަށެވެ.

މި ފަހަރުގެ 18 އަހަރުން ދަށުގެ ޓީމުގައި ރާއްޖޭގެ ސީނިއާ ޓީމުގެ ކުޅުންތެރިޔާ ޗޯޓު ހިމެނިފައިވާއިރު ކޯޗު ޝާޒްލީ ބުނީ ޗޯޓު ޓީމުގައި ހިމެނުމުން އެކަމުގެ ފައިދާ އެހެން ކުޅުންތެރިންނަށް ކުރާނެ ކަމަށެވެ.

މި އަހަރުގެ ސާފް ޗެމްޕިއަންޝިޕުގައި ރާއްޖޭ އާއި އެއް ގްރޫޕެއްގައި ހިމެނިފައިވަނީ ނޭޕާލް، ބޫޓާން އަދި ޕާކިސްތާނާއި އެއް ގްރޫޕެއްގައެވެ. ބަންގްލަދޭޝް، އިންޑިއާ އަދި ސްރީލަންކާ ހިމެނިފައިވަނީ ގްރޫޕް ބީ ގައެވެ.

ކޮންމެ ގްރޫޕަކުން އެންމެ ރަނގަޅު ނަތީޖާއެއް ނެރޭ ދެ ޓީމު މުބާރާތުގެ ސެމީ ކުޅޭ އިރު މުބާރާތުގެ ފައިނަލް ކުޅޭނީ މި މަހު 29 ވަނަ ދުވަހުގައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް